എല്ലാ വീടുകളിലും സ്ഥിരമായി കണ്ടു വരുന്ന പ്രധാന പ്രശ്‌നങ്ങളില്‍ ഒന്നാണ് പാറ്റ,പല്ലി എന്നിവയുടെ ശല്യം. അതിനായി പല മാര്‍ഗങ്ങള്‍ പരീക്ഷിച്ചിട്ടും ഉദ്ദേശിച്ച ഫലം ലഭിക്കാത്തവര്‍ക്ക് തീര്‍ച്ചയായും പരീക്ഷിച്ചു നോക്കാവുന്ന ചില കിടിലന്‍ ട്രിക്കുകള്‍ അറിഞ്ഞിരിക്കാം. പാറ്റ പോലുള്ള ജീവികളുടെ ശല്യം ഒഴിവാക്കാനായി വീട്ടിലുള്ള വസ്തുക്കള്‍ മാത്രം ഉപയോഗപ്പെടുത്തി ചെയ്യാവുന്ന ഒരു കൂട്ട് ആദ്യം മനസ്സിലാക്കാം.
അതിനായി ഒരു പാത്രത്തിലേക്ക് നാരങ്ങ പിഴിഞ്ഞൊഴിച്ചതും, ഒരു ടീസ്പൂണ്‍ ബേക്കിംഗ് പൗഡറും, ഒരു ടീസ്പൂണ്‍ വീക്‌സും അല്പം ചൂടുവെള്ളവും കൂടി ഒഴിച്ച് നല്ലതുപോലെ മിക്‌സ് ചെയ്യുക. ഈയൊരു കൂട്ട് അരിച്ചെടുത്ത ശേഷം ഒരു സ്‌പ്രേ ബോട്ടിലില്‍ ആക്കാം. ഇത് വീടിന്റെ എല്ലാ ഭാഗങ്ങളിലും സ്‌പ്രേ ചെയ്തു കൊടുക്കുകയാണെങ്കില്‍ പാറ്റ ശല്യം പാടെ ഒഴിവാക്കാനായി സാധിക്കുന്നതാണ്. അതല്ലെങ്കില്‍ വീട്ടില്‍ തന്നെ വളര്‍ത്തിയെടുക്കുന്ന പനിക്കൂര്‍ക്കയുടെ ഇലയും പാറ്റ ശല്യം ഇല്ലാതാക്കാനായി ഉപയോഗിക്കാവുന്നതാണ്.
അതിനായി പനിക്കൂര്‍ക്കയുടെ ഇല പറിച്ചെടുത്ത് പാ റ്റവരുന്ന ഇടങ്ങളിലെല്ലാം ഇട്ട് കൊടുക്കാവുന്നതാണ്. അലമാരയുടെ ഉള്‍വശം, പഴങ്ങള്‍ സൂക്ഷിക്കുന്ന ഭാഗം എന്നിവിടങ്ങളില്‍ എല്ലാം ഈ ഒരു രീതി പരീക്ഷിക്കുകയാണെങ്കില്‍ വലിയ രീതിയിലുള്ള മാറ്റങ്ങള്‍ കാണാനായി സാധിക്കുന്നതാണ്. ഇങ്ങിനെ ചെയ്യുന്നത് വഴി യാതൊരു ദോഷഫലങ്ങളും ഉണ്ടാവുന്നുമില്ല. അതല്ലെങ്കില്‍ പണ്ടു മുതലേ നമ്മളെല്ലാം വീടുകളില്‍ തുടര്‍ന്നു വരുന്ന ഒരു രീതിയായ പാറ്റ ഗുളിക ഉപയോഗപ്പെടുത്തിയും പാറ്റ ശല്യം പാടെ ഒഴിവാക്കാനായി സാധിക്കുന്നതാണ്.
അതിനായി പാറ്റ ഗുളിക നേരിട്ട് ഉപയോഗിക്കുന്നതിന് പകരമായി ചെറിയ തരികളായി പൊടിച്ചെടുക്കാം. അതിനു ശേഷം ഫോട്ടോകള്‍,പ്രതിമകളുടെ ഭാഗങ്ങള്‍, അലമാര എന്നിവിടങ്ങളില്‍ എല്ലാം ഈ ഒരു പൊടി വിതറി കൊടുക്കാവുന്നതാണ്. എന്നാല്‍ കുട്ടികളുള്ള വീടുകളിലും അലര്‍ജി പോലുള്ള അസുഖങ്ങള്‍ അനുഭവിക്കുന്ന ആളുകള്‍ ഉള്ള വീടുകളിലും ഈയൊരു രീതി പരീക്ഷിക്കാതിരിക്കുന്നതാണ് കൂടുതല്‍ നല്ലത്.
പ്രതികരിക്കാൻ ഇവിടെ എഴുതുക: