പാരീസ്: ഇന്ത്യന് ഗുസ്തി താരം വിനേഷ് ഫോഗട്ട് ഒളിംപിക്സില്നിന്ന് അയോഗ്യയാക്കപ്പെട്ട സംഭവത്തില് നല്കിയ അപ്പീലില് വിധി പറയുന്നത് അന്താരാഷ്ട്ര കായിക തര്ക്ക പരിഹാര കോടതി വീണ്ടും നീട്ടി. ഈമാസം 16നാണ് ഇക്കാര്യത്തില് വിധി പറയുക.
സാങ്കേതിക കാരണങ്ങളാല് വിനേഷിന്റെ അപ്പീല് തള്ളിപ്പോകുമെന്നായിരുന്നു പൊതുവെ പ്രതീക്ഷിച്ചിരുന്നത്.എന്നാല് വിധി വരാന് വൈകിയത് ഇന്ത്യന് സംഘത്തിന്റെ സമ്മര്ദ്ദവും കോടതിയില് അഭിഭാഷകര് ഉന്നയിച്ച ശക്തമായ വാദങ്ങളും കണക്കിലെടുത്താണെന്നും അന്താരാഷ്ട്ര ഒളിംപിക് കമ്മിറ്റിയും ഇക്കാര്യത്തില് അനുകൂല നിലപാടാണ് എടുത്തതെന്നും റിപ്പോര്ട്ടുകളുണ്ടായിരുന്നു. ഇത് വിനേഷിനും ഇന്ത്യന് ആരാധകര്ക്കും പ്രതീക്ഷ നല്കുകയും ചെയ്തു.
ഫൈനലില് എത്തിയശേഷമാണ് വിനേഷ് അയോഗ്യയാക്കപ്പെട്ടത് എന്നതിനാല് വെള്ളി മെഡല് നല്കണമെന്നാവശ്യപ്പെട്ടാണ് അപ്പീല്. ഒളിംപിക്സ് ഗുസ്തി 50 കിലോഗ്രാം ഫൈനല് മത്സരത്തിന്റെ അന്നാണു വിനേഷ് ഫോഗട്ടിന്റെ ശരീരം ഭാരം കൂടിയെന്നു കാണിച്ച് താരത്തെ അയോഗ്യയാക്കിയത്
