ന്യൂദല്‍ഹി: ദല്‍ഹി സര്‍ക്കാരിന് വേണ്ടി പതാക ഉയര്‍ത്തുന്നതില്‍ നിന്നും ആം ആദ്മി സര്‍ക്കാരിലെ മന്ത്രിയായ അതിഷിയെ ഒഴിവാക്കി ലഫ്. ഗവര്‍ണര്‍ വി.കെ. സക്സേന. പകരം ദല്‍ഹി ആഭ്യന്തരമന്ത്രി കൈലാഷ് ഗെലോട്ട് പതാക ഉയര്‍ത്തുമെന്ന് ലഫ്. ഗവര്‍ണര്‍ വി.കെ. സക്സേന അറിയിച്ചു.
സാധാരണ ദല്‍ഹി സര്‍ക്കാരിന്റെ പ്രതിനിധിയായി മുഖ്യമന്ത്രി അരവിന്ദ് കെജ്രിവാളാണ് പതാക ഉയര്‍ത്തേണ്ടത്. എന്നാല്‍ ഇദ്ദേഹം ജയിലില്‍ ആയതിനാലാണ് പകരം ആഭ്യന്തരമന്ത്രി കൈലാഷ് ഗെലോട്ട് പതാക ഉയര്‍ത്തുകയെന്നും ലഫ്. ഗവര്‍ണര്‍ വി.കെ. സക്സേന പറഞ്ഞു.
തനിക്ക് പകരം മന്ത്രി അതിഷി ദേശീയ പതാക ഉയര്‍ത്തട്ടെയെന്ന് ലഫ്. ഗവര്‍ണറിന് അയച്ച കത്തില്‍ അരവിന്ദ് കെജ്രിവാള്‍ അറിയിച്ചിരുന്നു. എന്നാല്‍ അതിഷിയെ ലഫ്. ഗവര്‍ണര്‍ ഒഴിവാക്കി പകരം കൈലാഷ് ഗെലോട്ടിനെ പതാക ഉയര്‍ത്തുന്നതിന് തെരഞ്ഞെടുക്കുകയായിരുന്നു.
പ്രതികരിക്കാൻ ഇവിടെ എഴുതുക: