ബെംഗളുരു: ഷിരൂരില്‍ മണ്ണിടിച്ചിലില്‍ കാണാതായ കോഴിക്കോട് സ്വദേശി അര്‍ജുന് വേണ്ടിയുള്‍പ്പെടെ തെരച്ചില്‍ പുനരാരംഭിക്കുന്നതില്‍ തീരുമാനം ചൊവ്വാഴ്ചയെന്ന് ജില്ലാ കളക്ടര്‍ ലക്ഷ്മി പ്രിയ.വെള്ളത്തിന്റെ അടിയൊഴുക്ക് നിലവില്‍ 5.4 നോട്ട് വേഗതയിലാണ്.
ഈ വേഗതയില്‍ ഡ്രഡ്ജിംഗോ ഡൈവിംഗോ സാധ്യമല്ല. പുഴയിലെ ഒഴുക്കിന്റെ വേഗം 3.5 നോട്ട് എങ്കിലുമെത്തിയാല്‍ ഡ്രഡ്ജിംഗിന് ശ്രമിക്കാം..
ഒരാള്‍ പുഴയ്‌ക്കടിയില്‍ സുരക്ഷിതമായി ഇറങ്ങി തെരയാന്‍ 2 നോട്ട് ആയി പുഴയുടെ ഒഴുക്കിന്റെ വേഗം കുറയണം. അടുത്ത ഒരാഴ്ച കാലാവസ്ഥ അനുകൂലമെന്നാണ് പ്രവചനം. കഴിഞ്ഞ രണ്ട് ദിവസമായി ഗംഗാവലി പുഴയുടെ വൃഷ്ടി പ്രദേശത്ത് മഴ ഉണ്ടായില്ലെന്നത് ഗുണകരമാണ്. അതിനാല്‍ പുഴയുടെ ഒഴുക്ക് കുറയുന്നുണ്ടെന്നും ജില്ലാ കളക്ടര്‍ പറഞ്ഞു.
