നിരോധിത സംഘടനയായ പോപ്പുലർ ഫ്രണ്ടിന്റെ തടവുകാർക്ക് ദാമ്പത്യാവകാശമെന്ന ആവശ്യവുമായി മുസ്ലിം ലീഗ് എം പി അഡ്വ. ഹാരിസ് ബീരാൻ രാജ്യസഭയിൽ. കോടതിയിൽ പോപ്പുലർ ഫ്രണ്ടിനു വേണ്ടി വാദിക്കുന്ന അതേ ആവേശത്തിലാണ് ബീരാൻ രാജ്യസഭയിലും വാദിച്ചത്.
ജയിൽപുള്ളികൾക്ക് ദാമ്പത്യ ജീവിതം നിഷേധിക്കപ്പെടുന്നതിനാൽ മാനസിക നില തകരാറിലാകുന്നുവെന്നാണ് ബീരാന്റെ ന്യായം. ഭാര്യയെ കാണാൻ മുട്ടി നിൽക്കുന്ന സുഡാപ്പികൾ ചെയ്ത കുറ്റങ്ങൾ എന്തൊക്കെയെന്നു നോക്കാം.
പാലക്കാട് ബൈക്കിൽ ഭാര്യയ്ക്കൊപ്പം യാത്ര ചെയ്ത സഞ്ജിത്തിനെ തടഞ്ഞു നിർത്തി ഭാര്യയുടെ കൺമുന്നിലിട്ട് വെട്ടിക്കൊന്നു. ആലപ്പുഴയിൽ അഡ്വ. രഞ്ജിത് ശ്രീനിവാസനെ അമ്മയുടെയും ഭാര്യയുടെയും മക്കളുടെയും മുന്നിലിട്ട് വെട്ടിനുറുക്കി കൊന്നു.
ഇരകളുടെ കുടുംബത്തോട് കൊടും ക്രൂരത ചെയ്ത കൊലപാതകികൾക്ക് ദാമ്പത്യ അവധി വേണമെന്നാണ് ഹാരിസ് ബീരാന്റെ ചെറിയ ആവശ്യം.
ദാമ്പത്യ സുഖം കിട്ടിയാൽ കൊലപാതകികൾ മാനസാന്തരപ്പെട്ട് വിശുദ്ധരായി മാറുമത്രേ.
ജയിലുകളിലെ സ്വവർഗ ലൈംഗിക അതിക്രമങ്ങൾ തടയാൻ ദാമ്പത്യ അവധി സഹായകമാകുമെന്ന് തുറന്നു പറയാനും ഹാരിസ് ബീരാൻ മടിച്ചില്ല. സ്വവർഗാനുരാഗ അവധി കൂടി കൊടുക്കണമെന്നു പറയാത്തതു ഭാഗ്യം.
കോടതിയിൽ കക്ഷികളിൽ നിന്നു കനത്ത ഫീസ് വാങ്ങി വാദിക്കുന്ന ബീരാൻ രാജ്യസഭയിൽ വാദിക്കാൻ കാശു വാങ്ങുന്നില്ലെന്ന് ആശ്വസിക്കാം. കക്ഷികൾക്കു വേണ്ടി ചെറിയൊരു ഔദാര്യം.
മുസ്ലിം ലീഗ് പ്രവർത്തന പാരമ്പര്യമുള്ള നേതാക്കളെ അവഗണിച്ചു ബീരാനു രാജ്യസഭാ സീറ്റു കൊടുത്തത് പേയ്മെൻ്റ് സീറ്റാണെന്ന് ലീഗിൽ കുഞ്ഞാലിക്കുട്ടി വിഭാഗം ആരോപണമുന്നയിച്ചിരുന്നു. ബീരാനു വേണ്ടി പേമെൻ്റ് നടത്തിയത് ആരാണെന്ന് കുഞ്ഞാലിക്കുട്ടിക്ക് മനസിലായിട്ടുണ്ടാകും.
