ന്യൂദല്ഹി: ബംഗ്ലാദേശിലെ ഹിന്ദുവംശഹത്യക്കെതിരെ പ്രതിഷേധവുമായി എബിവിപി. ദല്ഹി സര്വകലാശാലയിലെ ആര്ട്സ് ഫാക്കല്റ്റിയിലാണ് എബിവിപിയുടെ നേതൃത്വത്തില് പ്രതിഷേധം സംഘടിപ്പിച്ചത്.
ബംഗ്ലാദേശില് ഹിന്ദുക്കള് ഉള്പ്പെടെയുള്ള ന്യൂനപക്ഷങ്ങള്ക്കെതിരെ ഇസ്ലാമിക ഭീകരര് നടത്തുന്ന അതിക്രമങ്ങള്ക്കെതിരെ ലോകരാഷ്ട്രങ്ങള് മുന്നോട്ടുവരണമെന്ന് എബിവിപി ദല്ഹി സംസ്ഥാന സെക്രട്ടറി ഹര്ഷ് അത്രി പറഞ്ഞു. മാനുഷിക മൂല്യങ്ങള്ക്ക് യാതൊരു പ്രാധാന്യവും നല്കാത്തവര്ക്കെതിരെ കര്ശനനടപടി സ്വീകരിക്കേണ്ടത് ബംഗ്ലാദേശിലെ ഇടക്കാല സര്ക്കാരിന്റെ ഉത്തരവാദിത്തമാണ്.
ഹിന്ദുക്കളുടെയും ന്യൂനപക്ഷ വിഭാഗങ്ങളുടെയും സുരക്ഷ ഉറപ്പാക്കാന് ഭാരതം ബംഗ്ലാദേശിനോട് ആവശ്യപ്പെട്ടത് സ്വാഗതാര്ഹമാണെന്നും അദ്ദേഹം കൂട്ടിച്ചേര്ത്തു. അക്രമങ്ങളില് കൊല്ലപ്പെട്ടവര്ക്ക് മെഴുകുതിരി തെളിയിച്ച് ആദരാഞ്ജലികള് അര്പ്പിക്കുകയും ചെയ്തു.
