ഉണ്ണി മുകുന്ദന്റെ വധു മലയാള സിനിമയിൽ തന്നെയുണ്ട്: വൈറലായി മാനേജറുടെ കമന്റ്

മലയാള സിനിമാ പ്രേക്ഷകർ കേൾക്കാൻ ആഗ്രഹിക്കുന്ന വാർത്തയാണ് നടൻ ഉണ്ണി മുകുന്ദന്റെ  വിവാഹം. മുപ്പതുകളുടെ പകുതിയെത്തിയിട്ടും ഇന്നും ഉണ്ണി ഒരു പ്രണയം പോലും ഉള്ളതായി എങ്ങും പറഞ്ഞിട്ടില്ല. കാലാകാലങ്ങളായി ഉണ്ണിയുടെ കാമുകി എന്ന തരത്തിൽ പല വനിതാ താരങ്ങളുടെ പേരുകളും വലിച്ചിഴക്കപ്പെട്ടിരുന്നു. ഇതിൽ സ്വാസിക മുതൽ അനുശ്രീ വരെയുള്ള ആളുകളുണ്ട്

ഇത്തവണ മറ്റാരും പറയുന്നതല്ല വിഷയം. ഉണ്ണിയുടെ മാനേജരും അഭിനേതാവുമായ വിപിൻകുമാർ ആണ് ഉണ്ണിക്ക് ഒരു ചിന്ന പണി കൊടുത്ത്. വിപിന്റെ ജന്മദിനത്തിൽ ഉണ്ണി പോസ്റ്റ് ചെയ്ത ആശംസാ പോസ്റ്റിലാണ് വിപിൻ ഉണ്ണിക്കിട്ടൊരു പണി കൊടുത്തത്

ഈ പോസ്റ്റിൽ വിപിന്റെ ഒപ്പം മലയാള സിനിമയിലെ പ്രശസ്തരും പ്രമുഖരുമായ നിരവധി നായികമാരെ കാണാം. മഞ്ജു വാര്യരെയും, മീര ജാസ്മിനെയും മംമ്ത മോഹൻദാസിനെയും തുടങ്ങി ഏറ്റവും അടുത്തിടെ സിനിമയിലെത്തിയ യുവ നടിമാരെ പോലും ഉണ്ണി പോസ്റ്റ് ചെയ്ത കൊളാഷ് വീഡിയോയിൽ വിപിനിൻറെ ഒപ്പം കാണാം

ഇതിന്റെ ക്യാപ്‌ഷനിലാണ് മാനേജർ ഉണ്ണിക്കുള്ള പണി ഒളിപ്പിച്ചു വച്ചത്. ‘ഉണ്ണി ചേട്ടാ, എപ്പോഴാ കല്യാണം. ഈ ഫോട്ടോസിൽ ഉള്ള ആരെയാണെന്നു പറയട്ടെ’ എന്ന് വിപിൻ കമന്റ് ചെയ്‌തു

ഉണ്ണിയുടെ വധു മലയാള സിനിമയിൽ തന്നെയുണ്ട് എന്ന കാര്യം അരക്കിട്ടുറപ്പിക്കുന്നതായി വിപിന്റെ കമന്റ്. ഉണ്ണിയുടെ പോസ്റ്റ് ആയതിനാൽ, ഈ പ്രൊഫൈൽ ഫോളോ ചെയ്യുന്ന രണ്ടു മില്യൺ ഫോളോവേഴ്‌സിനും ഈ കഥ കാണാൻ സാധിക്കും

കമന്റ്റ് സെക്ഷന്റെ ബാക്കി ഭാഗത്ത് പൂരത്തിനുള്ള ആരവമുണ്ട്. ഉണ്ണിയുടെ ഏറ്റവും പുതിയ സിനിമയിലെ നായികയുടെ പേര് പോലും ആരാധകർ ഊഹിച്ചെടുത്തു കഴിഞ്ഞു. മറ്റു പലരും വിപിന് പിറന്നാൾ ആശംസിക്കുകയും ചെയ്‌തു

എന്തായാലും ഇനി മാനേജർ പറഞ്ഞത് കൊണ്ട് ഉറക്കം പോകുന്ന ആരാധകർ ഉണ്ടായേക്കാം. ആരാണ് ഉണ്ണിയുടെ ആ സിനിമാനടിയായ പ്രണയിനി എന്നറിയാൻ ഏവർക്കും ആകാംക്ഷയുണ്ടാകും. അതേസമയം, ഉണ്ണി മുകുന്ദൻ ‘മാർക്കോ’ എന്ന സിനിമയുടെ റിലീസിനായി കാത്തിരിക്കുകയാണ്

ഉണ്ണി മുകുന്ദന്റെ ഇൻസ്റ്റഗ്രാം പോസ്റ്റും, അതിന് മാനേജർ വിപിൻകുമാർ നൽകിയ കമന്റും അടങ്ങിയ സ്ക്രീൻഷോട്ട്. നിരവധിപ്പേർ ഈ പോസ്റ്റിൽ ലൈക്കും കമന്റും ചെയ്തിട്ടുണ്ട്