പാരിസ് : ഒളിമ്പിക്‌സില്‍ ഇന്ത്യക്ക് ആറാം മെഡല്‍. പുരുഷ വിഭാഗം 57 ഗ്രാം ഗുസ്തിയില്‍ ഇന്ത്യന്‍ താരം അമന്‍ സെഹ്‌റാവത്ത് വെങ്കലം നേടി. വെങ്കല മെഡല്‍ പോരാട്ടത്തില്‍ പോര്‍ട്ടറിക്കോയുടെ ഡാരിയന്‍ ക്രൂസിനെ 13-5 നാണ് ഇന്ത്യന്‍ താരം കീഴ്‌പ്പെടുത്തിയത്.
ആദ്യം പോര്‍ട്ടറിക്കോ താരം മുന്നിലെത്തിയെങ്കിലും അമന്‍ സെഹ്‌റാവത്ത് ശക്തമായി തിരിച്ചുവരികയായിരുന്നു.
നേരത്തേ സെമി ഫൈനലില്‍ ജപ്പാന്റെ റെയ് ഹിഗൂച്ചിയോടു അമന്‍ 10-0ന് തോറ്റിരുന്നു. പാരിസില്‍ ഇന്ത്യന്‍ ഗുസ്തി സംഘത്തിലെ ഏക പുരുഷ താരമാണ് ഇരുപത്തൊന്നുകാരനായ അമന്‍. പ്രീക്വാര്‍ട്ടറിലും ക്വാര്‍ട്ടറിലും മികച്ച വിജയങ്ങളോടെയാണ് സെമിയിലേക്ക് കടന്നത്.
പ്രതികരിക്കാൻ ഇവിടെ എഴുതുക: