തിരുവനന്തപുരം: സംസ്ഥാനത്ത് വരും ദിവസങ്ങളില് കനത്ത മഴയ്ക്കൊപ്പം ഉയര്ന്ന തിരമാലയ്ക്കും കള്ളക്കടല് പ്രതിഭാസത്തിനും സാധ്യതയെന്ന് കേന്ദ്ര സമുദ്രസ്ഥിതി പഠന ഗവേഷണ കേന്ദ്രത്തിന്റെ മുന്നറിയിപ്പ്.കണ്ണൂര്, കാസര്കോട് തീരങ്ങളില് നാളെ രാത്രി 11.30 വരെ 1.4 മുതല് 1.6 മീറ്റര് വരെ ഉയര്ന്ന തിരമാലയ്ക്കും കള്ളക്കടല് പ്രതിഭാസത്തിനും സാധ്യതയുണ്ടെന്നാണ് മുന്നറിയിപ്പ്.തമിഴ്നാട് തീരത്ത് ഇന്ന് രാത്രി 11.30 വരെ ഉയര്ന്ന തിരമാലയ്ക്ക് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു. ഇതിനാല്ഡ ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിക്കണം. അതേസമയം, കേരള – കര്ണാടക – ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
പ്രത്യേക ജാഗ്രതാ നിര്ദേശം
08/08/2024 മുതല് 12/08/2024 വരെ : മധ്യ പടിഞ്ഞാറന് അറബിക്കടല്, അതിനോട് ചേര്ന്ന മധ്യ കിഴക്കന് അറബിക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിനു സാധ്യത.
08/08/2024 : ഗള്ഫ് ഓഫ് മാന്നാര്, തെക്കന് തമിഴ്നാട് തീരം, അതിനോട് ചേര്ന്ന കന്യാകുമാരി പ്രദേശം, വടക്കന് തമിഴ്നാട് തീരം , മധ്യ കിഴക്കന് അറബിക്കടല്, മധ്യ കിഴക്കന് ബംഗാള് ഉള്ക്കടലിനോട് ചേര്ന്ന മധ്യ പടിഞ്ഞാറന് ബംഗാള് ഉള്ക്കടല്, വടക്കു പടിഞ്ഞാറന് ബംഗാള് ഉള്ക്കടല് , അതിനോട് ചേര്ന്ന വടക്കു കിഴക്കന് ബംഗാള് ഉള്ക്കടല്, തെക്കു പടിഞ്ഞാറന് ബംഗാള് ഉള്ക്കടല്, അതിനോട് ചേര്ന്ന തെക്കു കിഴക്കന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
09/08/2024 & 10/08/2024 വരെ : ഗള്ഫ് ഓഫ് മാന്നാര്, തെക്കന് തമിഴ്നാട് തീരം, അതിനോട് ചേര്ന്ന കന്യാകുമാരി പ്രദേശം, മധ്യ കിഴക്കന് അറബിക്കടല്, മധ്യ കിഴക്കന് ബംഗാള് ഉള്ക്കടലിനോട് ചേര്ന്ന മധ്യ പടിഞ്ഞാറന് ബംഗാള് ഉള്ക്കടല്, വടക്കു പടിഞ്ഞാറന് ബംഗാള് ഉള്ക്കടല്, തെക്കു പടിഞ്ഞാറന് ബംഗാള് ഉള്ക്കടല്, അതിനോട് ചേര്ന്ന തെക്കു കിഴക്കന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
11/08/2024 & 12/08/2024 വരെ : ഗള്ഫ് ഓഫ് മാന്നാര്, തെക്കന് തമിഴ്നാട് തീരം, അതിനോട് ചേര്ന്ന കന്യാകുമാരി പ്രദേശം, മധ്യ കിഴക്കന് അറബിക്കടല്, മധ്യ പടിഞ്ഞാറന് ബംഗാള് ഉള്ക്കടല്, അതിനോട് ചേര്ന്ന മധ്യ കിഴക്കന് ബംഗാള് ഉള്ക്കടല്, വടക്കു പടിഞ്ഞാറന് ബംഗാള് ഉള്ക്കടല്, തെക്കു പടിഞ്ഞാറന് ബംഗാള് ഉള്ക്കടല്, അതിനോട് ചേര്ന്ന തെക്കു കിഴക്കന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത. ഈ ദിവസങ്ങളില് പ്രദേശങ്ങളിലുള്ളവര് മത്സ്യബന്ധനത്തിന് പോകാന് പാടില്ലെന്നും അധികൃതര് അറിയിച്ചു.
