കൊച്ചി:ലിഫ്റ്റിന്റെ വയര്‍ പൊട്ടി സിഐടിയു പ്രവര്‍ത്തകന്‍ മരിച്ചു. എറണാകുളം ഉണിച്ചിറ ജിയോജിത് ബില്‍ഡിംഗിലെ ലിഫ്റ്റിന്റെ വയര്‍ പൊട്ടിയായണ് സിഐടിയു പ്രവര്‍ത്തകന്‍ നസീര്‍ (42) മരിച്ചത്.
അപകടം ഉണ്ടായ ഉടന്‍ തൃക്കാക്കരയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ജിയോജിത്ത് ബില്‍ഡിംഗില്‍ പ്രവര്‍ത്തിക്കുന്ന പ്രോകണക്ട് ഇന്റഗ്രേറ്റഡ് ലോജിസ്റ്റിക്‌സ് എന്ന സ്ഥാപനത്തിന്റെ വെയര്‍ഹൗസ് ഗോഡൗണില്‍ ഐടി ഉത്പന്ന സാധനങ്ങള്‍ കയറ്റാന്‍ എത്തിയതായിരുന്നു നസീറും സഹപ്രവര്‍ത്തകരും.
സര്‍വീസ് ലിഫ്റ്റില്‍ സാധനങ്ങള്‍ കയറ്റി മുകളിലെ നിലയിലേക്ക് അയച്ച ശേഷം ലിഫ്റ്റിന്റെ താഴെ, മരത്തിന്റെ സ്റ്റാന്‍ഡ് മാറ്റാനായി പോയതായിരുന്നു നസീര്‍. ഈ സമയത്ത് വയര്‍ റോപ്പ് പൊട്ടി ലിഫ്റ്റ് വേഗത്തില്‍ താഴേക്ക് പതിച്ചു.നസീര്‍ ഈ ലിഫ്റ്റിന്റെ അടിയില്‍ പെടുകയായിരുന്നു.
പ്രതികരിക്കാൻ ഇവിടെ എഴുതുക: