മുംബൈ: കമല്‍ഹാസൻ നായകനായ ഇന്ത്യൻ 2 തിയറ്ററുകളില്‍ ഏഴ് നിലയില്‍ പൊട്ടി. കമല്ഹാസന്റെ പഴയ ട്രിക്കുകളൊന്നും ഇപ്പോള്‍ ഫലിക്കുന്നില്ലെന്നും പരിഹാസം
ഇതോടെ ഒടിടി റിലീസിന് 120 കോടി നല്‍കിയ നെറ്റ് ഫ്ലിക്സ് കൈ പൊള്ളിയിരിക്കുകയാണ്. ഒടിടിയില്‍ ഇന്ത്യന്‍ 2 കാണാന്‍ ആളുണ്ടാകില്ലെന്നാണ് വിലയിരുത്തല്‍. അതിനാല്‍ മുന്‍കൂറായി നല്‍കിയ 120 കോടിയില്‍ 60 കോടി രൂപ തിരിച്ചുനല്‍കാന്‍ കമല്‍ഹാസനോട് ആവശ്യപ്പെട്ടിരിക്കുകയാണ് നെറ്റ് ഫ്ലിക്സ്.
ഇന്ത്യൻ ബോക്‌സ് ഓഫീസിൽ ഇന്ത്യൻ 2 വെറും 95.58 കോടി ഗ്രോസ് ആണ് നേടിയത്. ലോകമെമ്പാടുമുള്ള ബോക്‌സ് ഓഫീസ് കളക്ഷൻ 146.58 കോടി ഗ്രോസ് ആണ്. പ്രേക്ഷകര്‍ തള്ളിയതോടെ തിയറ്ററുകളില്‍ നിന്നുള്ള മോശം സ്വീകരണത്തിന് ശേഷം ചിത്രത്തിന്റെ സ്ക്രീനുകള്‍ കുത്തനെ കുറഞ്ഞിരുന്നു. നേരത്തെ 120 കോടിക്ക് ഇന്ത്യന്‍ 2 ന്റെ സ്ട്രീമിംഗ് അവകാശം നെറ്റ് ഫ്ലിക്സ് വാങ്ങിയിരുന്നു. ഇപ്പോള്‍ ഈ കരാര്‍ പുതുക്കണമെന്നും പുതിയ സാഹചര്യത്തില്‍ പാതി തുകയായ 60 കോടി തിരിച്ചുനല്‍കാനാണ് നെറ്റ്ഫ്ലിക്സ് ആവശ്യപ്പെട്ടിരിക്കുന്നത്.
പ്രതികരിക്കാൻ ഇവിടെ എഴുതുക: