ഷിംല: ആയുഷ്മാന് ഭാരത് തട്ടിപ്പുമായി ബന്ധപ്പെട്ട് ഹിമാചല് പ്രദേശ് എംഎല്എ ആര്എസ് ബാലിയുടെയും സ്വകാര്യ ആശുപത്രിയുടമകളുടെയും വസതികളിലും സ്ഥാപനങ്ങളിലും എന്ഫോഴ്സ്മെന്റ് ഡയറക്ടറേറ്റ് ഉദ്യോഗസ്ഥരുടെ റെയ്ഡ്. 25 കോടിരൂപയുടെ കള്ളപ്പണം വെളുപ്പിക്കല് കേസിലാണ് റെയ്ഡ് നടന്നത്.
19 ഓളം സ്ഥലങ്ങളില് റെയ്ഡ് നടത്തി. ബാലിയുടെ കമ്പനിയായ ഹിമാചല് ഹെല്ത്ത് കെയര് പ്രൈവറ്റ് ലിമിറ്റഡിന്റെ കീഴിലുള്ള കാന്ഗ്രയിലെ ഫോര്ട്ടിസ് ഹോസ്പിറ്റലിലും കംഗ്രയിലെ ശ്രീ ബാലാജി ഹോസ്പിറ്റലിലെ ഡോ. രാജേഷ് ശര്മ്മയുടെ വീട്ടിലും പരിശോധന നടക്കുന്നുണ്ടെന്ന് ഉദ്യോഗസ്ഥര് പറഞ്ഞു.
വ്യാജ ആയുഷ്മാന് ഭാരത് എബി-പിഎംജെഎഐ ഐഡി കാര്ഡുകള് നിര്മിച്ചാണ് തട്ടിപ്പ് നടത്തിയത്. വ്യാജ കാര്ഡുകള് ഉപയോഗിച്ച് പലതവണ മെഡിക്കല് ബില്ലുകള് ഉണ്ടാക്കിയെന്നും ഇഡി ഉദ്യോഗസ്ഥര് ആരോപിച്ചു.
