മറ്റൊരു വാഹനത്തിന് സൈഡ് കൊടുക്കവെ പൊലീസ് ജീപ്പ് പാർവ്വതി പുത്തനാറിലേക്ക് മറിഞ്ഞു

തിരുവനന്തപുരം: പേട്ട പൊലിസ് സ്റ്റേഷനിലെ ജീപ്പ് പാർവ്വതി പുത്തനാറിലേക്ക് മറിഞ്ഞ് അപകടം. മറ്റൊരു വാഹനത്തിന് സൈഡ് കൊടുക്കുന്നതിനായി സൈഡിലേക്ക് മാറവെയാണ് സംഭവം. വാഹനത്തിലുണ്ടായിരുന്ന രണ്ട് പൊലീസുകാരും പരിക്കൊന്നുമില്ലാതെ രക്ഷപ്പെട്ടു.

കരിക്കയ്‌ക്കത്ത് ഇടുങ്ങിയ വഴിയിൽ മറ്റൊരു വാഹനത്തിന് സൈഡ് കൊടുക്കവേയാണ് ജീപ്പ് മറിഞ്ഞത്. സംഭവത്തിന് പിന്നാലെ ക്രെയിൻ എത്തിച്ചാണ് വാഹനം കരയ്‌ക്കെത്തിച്ചത്.