ഗുപ്തനെ വട്ടം ചുറ്റിച്ച മായാമോഹിനിയായ മോഹിനിവർമ്മയെന്ന കഥാപാത്രത്തെ ഹരികൃഷ്ണൻസ് എന്ന സിനിമ കണ്ടവരാരും മറക്കാൻ വഴിയില്ല. മോഹിനിവർമ്മയും കൂട്ടുകാരും വീണ്ടും സോഷ്യൽ മീഡിയയിൽ വൈറലാവുകയാണ്. നടൻ യദുകൃഷ്ണൻ സോഷ്യൽ മീഡിയയിൽ പങ്കുവെച്ച ഒരു ചിത്രമാണ് ഇപ്പോൾ ഹരികൃഷ്ണൻസ് ഓർമകളെ വീണ്ടും സജീവമാക്കുന്നത്.
യദുകൃഷ്ണനൊപ്പം കുഞ്ചാക്കോ ബോബൻ, കൃഷ്ണ പ്രസാദ്, സുധീഷ് എന്നിവ‍രെയും ചിത്രത്തിൽ കാണാം. താരസംഘടനയായ ‘അമ്മ‘യുടെ വാർഷിക ജനറൽ ബോഡി മീറ്റിങ്ങിനിടെ പകർത്തിയ ചിത്രമാണിത്. ‘ഗുപ്തന്റെ മോഹിനിവർമയും കൂട്ടുകാരും, ചിത്രം ഹരികൃഷ്ണൻസ്’ എന്ന അടിക്കുറിപ്പും ചിത്രത്തിനു യദു നൽകിയിട്ടുണ്ട്
ഹരികൃഷ്ണൻസിൽ ഗുപ്തനെ കത്തുകളെഴുതി വ്യാമോഹിപ്പിക്കുന്ന മോഹിനിവർമ്മയായി എത്തിയത് കുഞ്ചാക്കോ ബോബനായിരുന്നു. സുധീഷും കൃഷ്ണപ്രസാദും യദുവുമായിരുന്നു ചാക്കോച്ചൻ അവതരിപ്പിച്ച കഥാപാത്രത്തിന്റെ സുഹൃത്തുക്കളായി എത്തിയത്.
പ്രതികരിക്കാൻ ഇവിടെ എഴുതുക: