മലപ്പുറം: കെഎസ്ആർടിസി ബസ് പെട്ടെന്ന് ബ്രേക്ക് ഇട്ടതിനെ തുടർന്ന് വീണ പെൺകുട്ടിയുടെ കയ്യൊടിഞ്ഞു. സംഭവവുമായി ബന്ധപ്പെട്ട് ഡ്രൈവർക്കെതിരെ പൊലീസ് കേസെടുത്തു. വള്ളുവമ്പ്രം കക്കാടമ്മൽ സുരേഷ് ബാബുവിന്റെ മകൾ റിഥിയയെന്ന പത്തുവയസുകാരിയുടെ പരാതിയെ തുടർന്നാണ് കേസെടുത്തിരിക്കുന്നത്.
അശ്രദ്ധമായി മനുഷ്യജീവന് അപകടം സൃഷ്ടിക്കും വിധത്തിൽ വാഹനം ഓടിച്ചതിനാണ് ഡ്രൈവർക്കെതിരെ കേസെടുത്തിരിക്കുന്നത്. ഈ കഴിഞ്ഞ ബുധനാഴ്ച രാവിലെ 9.45-ന് മലപ്പുറം കോട്ടപ്പടിയിലാണ് സംഭവം നടന്നത്.ബ്രേക്കിട്ടതിന് പിന്നാലെ റിഥി വീണു. വീഴ്ചയിൽ ഇടതുകൈക്ക് സാരമായ പരിക്കേറ്റ കുട്ടിക്ക് ബസ് ജീവനക്കാർ ഫസ്റ്റ് എയ്ഡ് നൽകുകയോ ആശുപത്രിയിൽ എത്തിക്കുകയോ ചെയ്തിരുന്നില്ല.
മലപ്പുറം കുന്നുമ്മൽ സ്റ്റാൻഡിൽ ഇറങ്ങിയ മറ്റ് വിദ്യാർത്ഥികൾ പരിക്കേറ്റ പെൺകുട്ടിയുടെ പിതാവിനെ വിളിച്ചു വരുത്തുകയായിരുന്നു. പിതാവ് സ്‌റ്റേഷൻ മാസ്റ്ററോട് പരാതിപ്പെട്ടു. ഇതിന് പിന്നാലെ കുട്ടിയെ ആശുപത്രിയിൽ എത്തിച്ച് ചികിത്സ നൽകുകയായിരുന്നു.
പ്രതികരിക്കാൻ ഇവിടെ എഴുതുക: