തൊടുപുഴ: ജീവിതത്തില് കാണേണ്ട ഏഴ് ഫിറ്റ്നസുകളും തൊണ്ണൂറാം വയസിലും നാരായണ്ജിയില് കാണുന്നത് അത്ഭുതകരമാണെന്ന് മുന് ഡിജിപി ഡോ. ജേക്കബ് തോമസ്. ഫിസിക്കല്, മെന്റല്, ഇന്റലക്ച്വല്, കള്ച്ചറല്, എത്തിക്കല്, സിറ്റിസണ്ഷിപ്പ്, സ്പിരിച്ച്വല് എന്നീ ഏഴ് ഫിറ്റ്നസുകളാണ് അദ്ദേഹത്തില് കാണുന്നത്.
ഞാന് തൊടുപുഴയിലാണ് ആദ്യമായി ജോലിക്കെത്തിയത്. സംഘപരിപാടിയില് ആദ്യം പങ്കെടുക്കുന്നത് മൈസൂരിലും. ആര്എസ്എസില് പ്രവര്ത്തിക്കാനുള്ള തടസം കഴിഞ്ഞ ദിവസമാണ് കേന്ദ്ര സര്ക്കാര് നീക്കിയത്. ഉടന് തന്നെ ആര്എസ്എസിന്റെ ഓണ്ലൈന് സംവിധാനത്തില് കയറി ജോയിന് ചെയ്തു. നാരായണ്ജിയുടെ ജീവിതം കര്മ്മനിരതമാണ്. ഇനിയും എഴുത്തിലൂടെ മുന്നോട്ട് പോകാനും സമൂഹത്തിന് വെളിച്ചമാകാനും അദ്ദേഹത്തിന് സാധിക്കട്ടെയെന്നും ജേക്കബ് തോമസ് പറഞ്ഞു.
