കോട്ടയം: കോടതിവിധി നടപ്പാക്കാതെ സര്ക്കാരും പോലീസും ചേര്ന്ന് നാടകം കളിക്കുകയാണെന്ന് ഓര്ത്തഡോക്സ് സഭ. പുളിന്താനം സെന്റ് ജോണ്സ്, മഴുവന്നൂര് സെന്റ് തോമസ് എന്നീ പള്ളികളുടെ കാര്യത്തിലാണ് കോടതി വിധി നടപ്പാക്കാന് ശ്രമിക്കുന്നുവെന്ന വ്യാജേന പതിവു നാടകം കളിക്കുന്നതെന്ന് സഭ മാധ്യമ വിഭാഗം അധ്യക്ഷന് ഡോ.യോഹന്നാന് മാര് ദിയസ്കോറസ്, അസോസിയേഷന് സെക്രട്ടറി ബിജു ഉമ്മന്, സഭാ വക്താവ് ഫാദര് ജോണ്സ് എബ്രഹാം കോനാട്ട് റീശ് കോര് എപ്പിസ്കോപ്പ എന്നിവര് ആരോപിച്ചു. പക്ഷപാതപരമായ പ്രവര്ത്തനങ്ങള് നീതിയായ വ്യവസ്ഥയോടുള്ള വെല്ലുവിളിയായി മാത്രമേ കണക്കാക്കാന് കഴിയൂ. അധികാരികള് ദൈവവ്യവസ്ഥയെ അട്ടിമറിക്കാന് കൂട്ടുനില്ക്കുന്നുവെന്നും ഓര്ത്തഡോക്സ് സഭ കുറ്റപ്പെടുത്തി.
കോലഞ്ചേരി മഴുവന്നൂര് സെന്റ് തോമസ് പള്ളിയിലും കോതമംഗലം പുളിന്താനം സെന്റ് ജോണ്സ് ബസ്ഫാഗെ പള്ളിയിലും ഓര്ത്തഡോക്സ് സഭയ്ക്ക് അനുകൂലമായ കോടതിവിധി നടപ്പാക്കാനുള്ള നീക്കം വിശ്വാസികളുടെ എതിര്പ്പുമൂലം തടസ്സപ്പെട്ടതാണ് സഭാധികൃതരെ പ്രകോപിപ്പിച്ചത്.
