രജൗരിയിലെ സൈനിക ക്യാമ്പ് ആക്രമിച്ച് ഭീകരർ ; തിരിച്ചടിച്ചും തിരച്ചിൽ ശക്തമാക്കിയും സുരക്ഷാ സേന

കശ്മീർ : ജമ്മു കശ്മീരിലെ രജൗരിയിലെ ഗുന്ധ ഖവാസ് മേഖലയിലുള്ള സൈനിക ക്യാമ്പിന് നേരെ തിങ്കളാഴ്ച പുലർച്ചെ ഭീകരർ ആക്രമണം നടത്തി. എന്നാൽ ആക്രമണത്തെ സൈന്യം ഫലപ്രദമായി ചെറുത്തുവെന്നാണ് റിപ്പോർട്ട്.

തുടർന്ന് ഭീകരരെ കണ്ടെത്താനുള്ള വലിയ ഓപ്പറേഷൻ സൈന്യം ഇപ്പോൾ നടത്തുന്നുണ്ട്. അഗ്നിശമന സേന ഇപ്പോഴും ക്യാമ്പിന് സമീപം തുടരുകയാണെന്ന് അധികൃതർ അറിയിച്ചു.

വിദൂര ഗ്രാമമായ രജൗരിയിൽ സൈനിക പിക്കറ്റിന് നേരെയുണ്ടായ വൻ ഭീകരാക്രമണം പരാജയപ്പെടുത്തിയെന്ന് പ്രതിരോധ വക്താവ് ലഫ്റ്റനൻ്റ് കേണൽ സുനീൽ ബർട്ട്വാൾ പറഞ്ഞു. വെടിവയ്‌പ്പ് നടക്കുകയാണെന്നും ഓപ്പറേഷൻ പുരോഗമിക്കുകയാണെന്നും വക്താവ് പറഞ്ഞു.