എറണാകുളം: ചിറ്റാറ്റുകര നീണ്ടൂരില്‍ നിര്‍മാണം പൂര്‍ത്തിയാകാറായ രണ്ട് നിലവീട് ഇടിഞ്ഞുവീണു. മുല്ലക്കര ഷിയാസിന്റെ വീടാണ് നിലം പതിച്ചത്.
നാലര സെന്റെ സ്ഥലത്ത് നാലു വര്‍ഷം മുമ്പാണ് വീടുനിര്‍മാണം തുടങ്ങിയത്. ഒന്നാം നില വാര്‍ത്തതോടെ സാമ്പത്തിക ബുദ്ധിമുട്ട് ഉണ്ടായതിനാല്‍ നിര്‍മാണം മുടങ്ങി.
ചിങ്ങത്തില്‍ താമസം തുടങ്ങണമെന്ന ലക്ഷ്യത്തോടെ കഴിഞ്ഞ മാസമാണ് മുകള്‍ നിലയുടെ പണികള്‍ ആരംഭിച്ചത്. 1400 ചതുരശ്രയടി വിസ്തീര്‍ണമുള്ള വീടാണ് നിര്‍മ്മിച്ച് വന്നത്. ഏകദേശം 20 ലക്ഷത്തോളം രൂപ ഇതുവരെ ചെലവായതായി വീട്ടുടമ ഷിയാസ് പറഞ്ഞു.
ഷിയാസും കുടുംബവും നിര്‍മാണം നടക്കുന്ന വീടിന് സമീപം ഷെഡിലാണ് താമസിച്ചിരുന്നത്. തുടര്‍ച്ചയായ മഴ മൂലം ചെങ്കല്ല് കുതിര്‍ന്ന് ദുര്‍ബലമാതാണ് കെട്ടിടം തകരാന്‍ കാരണമെന്നാണ് നിഗമനം.
പ്രതികരിക്കാൻ ഇവിടെ എഴുതുക: