ലണ്ടന്: ഇംഗ്ലണ്ട്-വെസ്റ്റിന്ഡീസ് രണ്ടാം ക്രിക്കറ്റ് ടെസ്റ്റ് ആവേശാന്ത്യത്തിലേക്ക്. രണ്ടാം ഇന്നിങ്സില് ഇന്നലെ 425 റണ്സെടുത്ത് എല്ലാവരും പുറത്തായി. വരുന്നുകാരായ വിന്ഡീസിന് മുന്നില് വച്ചത് 385 റണ്സിന്റെ വിജയലക്ഷ്യം. ഇതിലേക്ക് ബാറ്റെടുത്ത കരീബിയന് പട തട്ടുപൊളിപ്പന് തുടക്കമാണ് നല്കിയിരിക്കുന്നത്.
ജോ റൂട്ടും(122) ഹാരി ബ്രൂക്കും(109) നേടിയ സെഞ്ചുറികളുടെ ബലത്തിലാണ് ഇംഗ്ലണ്ട് രണ്ടാം ഇന്നിങ്സിലും 400ന് മേലുള്ള ടോട്ടല് പടുത്തത്. ഇരുവരുടെയും സെഞ്ച്വറിക്കൊപ്പം ഓപ്പണര് ബെന് ഡക്കറ്റും(76) ഓലീ പോപ്പും(51) സംഭാവന ചെയ്ത അര്ദ്ധ സെഞ്ച്വറി പ്രകടനങ്ങള് മാത്രമാണ് ഇംഗ്ലണ്ട് നിരയില് എടുത്തു പറയാനുണ്ടായിരുന്നത്. വാലറ്റത്ത് ഗുസ് അറ്റ്കിന്സണ്(21) പുറത്താകാതെ പൊരുതി നിന്നു.
നാല് വിക്കറ്റ് നേടിയ ജെയ്ഡെന് സീലെസ് ആണ് ഇംഗ്ലണ്ട് സ്കോറിങ്ങിന് കടിഞ്ഞാണിട്ടത്. രണ്ട് വിക്കറ്റുമായി അല്സാരി ജോസഫ് മികച്ച പിന്തുണ നല്കി. ഷമാര് ജോസഫ്, ജേസന് ഹോള്ഡര്, കെവിന് സിങ്കഌയര് എന്നിവര് ഓരോ വിക്കറ്റ് സംഭാവന ചെയ്തു.
