കൊച്ചി : വൈദ്യുതി നിലച്ചാല് അഞ്ച് മിനുട്ട് ക്ഷമ കാണിക്കാന് ജനങ്ങള് തയ്യാറാകുന്നില്ലെന്നും വൈദ്യുതി വകുപ്പ് മന്ത്രി കെ. കൃഷ്ണന്കുട്ടി.
കെ.എസ്.ഇ.ബിയുടെ പ്രവര്ത്തനരീതിയെക്കുറിച്ച് വസ്തുതാപരമായ വിമര്ശനങ്ങള് ആര് ഉന്നയിച്ചാലും സ്വീകരിക്കുമെന്നും മന്ത്രി പറഞ്ഞു. രാപകല് ജോലി ചെയ്യുന്ന ജീവനക്കാരുടെ പ്രയാസം കൂടി മനസിലാക്കണം. ജനങ്ങള്ക്ക് ബുദ്ധിമുട്ട് ഉണ്ടാകാതിരിക്കാന് വൈദ്യുതി ലൈന് ഓഫ് ചെയ്യാതെയാണ് പലപ്പോഴും അവര് ജോലി ചെയ്യുന്നത്. ഇത് അപകടങ്ങള്ക്കും മരണങ്ങള്ക്കും കാരണമാകുന്നുണ്ടെന്നും കൊച്ചിയില് അദ്ദേഹം പറഞ്ഞു.
ഓഫീസുകളില് കയറിയുള്ള അതിക്രമങ്ങള് അംഗീകരിക്കാനാകില്ല. മഴ ശക്തിപ്രാപിച്ച സാഹചര്യത്തില് 1912 ടോള് ഫ്രീ നമ്പര് കൂടാതെ എല്ലാ ജില്ലകളിലും കണ്ട്രോള് റൂം തുറന്നിട്ടുണ്ടെന്നും മന്ത്രി പറഞ്ഞു.
പൊതുമേഖലാ സ്ഥാപനം കാര്യക്ഷമാക്കണമെങ്കില് സാമ്പത്തിക അച്ചടക്കം ആവശ്യമാണ്. നിലവിലുള്ള റവന്യു ഗ്യാപ് ഘട്ടഘട്ടമായി കുറച്ചുകൊണ്ടുവരണം. 13,000 കോടി രൂപ ചെലവ് വരുന്ന വൈദ്യുതി വാങ്ങലില് സൂക്ഷ്മശ്രദ്ധചെലുത്തേണ്ടതുണ്ട്. ഇടുക്കിയില് നിന്ന് 55 പൈസയ്ക്കാണ് ഒരു യുണിറ്റ് വൈദ്യുതി ലഭിക്കുന്നത്. എന്നാല് പീക്ക് സമയത്ത് പുറത്തുനിന്ന് വാങ്ങുന്നത് 8 മുതല് 15 രൂപ നല്കിയാണ്. ഒരു പദ്ധതി ആലോചിച്ചാല് പരിസ്ഥിതിക്ക് ദോഷം എന്ന് പറഞ്ഞ് പെരുപ്പിച്ചുകാട്ടി തടസപ്പെടുത്തുകയാണ്. മന്ത്രി പറഞ്ഞു.
