കോഴിക്കോട്: കോഴിക്കോട് ചികിത്സയിൽ കഴിയുന്ന പതിനാലുകാരന് നിപ വൈറസ് ബാധയെന്ന സംശയത്തെ തുടർന്ന് സ്രവ സാംപിൾ പരിശോധനയ്ക്ക് അയക്കാൻ തീരുമാനം. പെരിന്തൽമണ്ണ സ്വദേശിയായ 14കാരനാണ് നിപ വൈറസ് ബാധയെന്ന സംശയത്തെ തുടർന്ന് സ്രവ പരിശോധന നടത്താൻ നിശ്ചയിച്ചിരിക്കുന്നത്.
നിലവിൽ കോഴിക്കോട്ടെ സ്വകാര്യ ആശുപത്രിയിലാണ് കുട്ടി ചികിത്സയിലുള്ളത്. നിപ വൈറസ് ബാധയുടെ ലക്ഷണങ്ങൾ പ്രകടമായതിന്് പിന്നാലെ ഇന്നലെ പെരിന്തൽമണ്ണയിലെ സ്വകാര്യ ആശുപത്രിയിൽ നിന്ന് കോഴിക്കോട്ടേക്ക് മാറ്റുകയായിരുന്നു. കുട്ടിയുടെ ആരോഗ്യ നില നിലവിൽ തൃപ്തികരമെന്ന് ഡോക്ടർമാർ പറയുന്നു. കുട്ടിയുടെ സ്രവ സാംപിൾ ഇന്ന് പുണെയിലെ നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയിലേക്ക് പരിശോധനയ്ക്ക് അയക്കും.
പരിശോധന ഫലം പുറത്ത് വന്നതിന് ശേഷം മാത്രമെ കൂടുതൽ കാര്യങ്ങളിൽ വ്യക്തത വരികയുള്ളുവെന്ന് അധികൃതർ വ്യക്തമാക്കി.
പ്രതികരിക്കാൻ ഇവിടെ എഴുതുക: