പാലക്കാട്: ആലത്തൂര് കാട്ടുശേരി വാവോലിയില് സ്കൂള് ബസ് കനാലിലേയ്ക്ക് മറിഞ്ഞു. വൈകീട്ട് 4.15 -ഓടെ സംഭവം. ആലത്തൂര് എ.എസ്.എം.എം. എച്ച്.എസ്.എസിന്റെ സ്കൂള് ബസിനാണ് അപകടം ഉണ്ടായത്. അപകട സമയത്ത് ബസില് 24 കുട്ടികള് ഉണ്ടായിരുന്നു. ഇവർക്ക് നിസാര പരിക്കേറ്റു. വിദ്യാര്ത്ഥികളെ ആലത്തൂർ താലൂക്ക് ആശുപത്രിയിൽ പ്രവേശിപ്പിച്ചു.
ബസ് എടുക്കുന്ന സമയത്ത് 40 ഓളം പേരും ഉണ്ടായിരുന്നു. പാടത്ത് ജോലി ചെയ്തിരുന്നയാളുകളാണ് കുട്ടികളെ തക്ക സമയത്ത് രക്ഷിച്ചത്. റോഡിലെ കുഴിയിൽ ചാടിയതിനെ തുടർന്ന് ബസ് നിയന്ത്രണം വിട്ട് തോട്ടിലേക്ക് മറിയുകയായിരുന്നുവെന്ന് വിദ്യാർത്ഥി പറഞ്ഞു. കുട്ടികളെ ബസിന്റെ ചില്ല് പൊട്ടിച്ചാണ് പുറത്തെടുത്തതെന്ന് നാട്ടുകാർ പറഞ്ഞു.
