കോഴിക്കോട്: കനത്ത മഴ തുടരുന്നതിനാല് കോഴിക്കോട് ജില്ലയിലെ ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകള്ക്ക് വ്യാഴാഴ്ച അവധി പ്രഖ്യാപിച്ചു. ചേവായൂര് എന്ജിഒ ക്വാര്ട്ടേഴ്സ് ഹൈസ്കൂള്, കോഴിക്കോട് ഐഎച്ച്ആര്ഡി ടെക്നിക്കല് ഹയര് സെക്കന്ററി സ്കൂള്, കോട്ടുളി ജിഎല്പി സ്കൂള്, മുട്ടോളി ലോലയില് അങ്കണവാടി എന്നിവയ്ക്കാണ് ജില്ലാ കളക്ടര് അവധി പ്രഖ്യാപിച്ചത്.
വയനാട് ജില്ലയില് എല്ലാ വിദ്യാഭ്യാസ സ്ഥാപനങ്ങള്ക്കും വ്യാഴാഴ്ച ജില്ലാ കളക്ടര് അവധി പ്രഖ്യാപിച്ചു. ജില്ലയില് കാലവര്ഷം ശക്തമായ സാഹചര്യത്തില് ട്യൂഷന് സെന്ററുകള്, അങ്കണവാടികള്, പ്രൊഫഷണല് കോളേജുകള് ഉള്പ്പെടെ വിദ്യാഭ്യാസ സ്ഥാപനങ്ങള്ക്കാണ് അവധി.
മോഡല് റസിഡന്ഷല് സ്കൂളുകള്ക്ക് അവധി ബാധകമല്ല. മുന്കൂട്ടി നിശ്ചയിച്ച പരീക്ഷകള്ക്കും പിഎസ്സി പരീക്ഷകള്ക്കും അവധി ബാധകമല്ല. ജില്ലയില് നാളെയും ശക്തമായ മഴ തുടരുമെന്നാണ് മുന്നറിയിപ്പ്. നിലവില് സംസ്ഥാനത്ത് വയനാട്ടില് മാത്രമാണ് നാളെ വിദ്യാഭ്യാസ സ്ഥാപനങ്ങള്ക്ക് അവധി .
