ആലപ്പുഴ:പുറക്കാട് ദേശീയ പാതയില്‍ കെഎസ്ആര്‍ടിസി ഫാസ്റ്റ് പാസഞ്ചര്‍ ബസിന്റെ ഡ്രൈവര്‍ക്ക് കല്ലേറില്‍ പരിക്കേറ്റു.ബുധനാഴ്ച ഉച്ചക്ക് പുറക്കാട് എസ്എന്‍എം ഹയര്‍ സെക്കന്‍ഡറി സ്‌കൂളിന് വടക്കുഭാഗത്തായിരുന്നു സംഭവം.
എറണാകുളത്തു നിന്ന് കരുനാഗപ്പള്ളിയിലേക്ക് പോയ ബസിന് നേരെയാണ് ബൈക്കിലെത്തിയവര്‍ കല്ലെറിഞ്ഞത്.ബൈക്കിലെത്തിയ രണ്ട് പേരില്‍ പിന്‍ സീറ്റിലിരുന്നയാളാണ് കല്ലെറിഞ്ഞത്.
കല്ലേറില്‍ ബസിന്റെ മുന്‍ ഭാഗത്തെ ചില്ല് പൂര്‍ണമായും തകര്‍ന്നു. ചില്ല് പൊട്ടി കൈയില്‍ തെറിച്ചു വീണ് ഡ്രൈവര്‍ സലീമിന് സാരമായി പരിക്കേറ്റു. ഇദ്ദേഹത്തെ ആലപ്പുഴ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. മറ്റ് യാത്രക്കാര്‍ക്കൊന്നും പരിക്കില്ല.
ബസില്‍ 60 ഓളം യാത്രക്കാര്‍ ഉണ്ടായിരുന്നു. അമ്പലപ്പുഴ പൊലീസ് സ്ഥലത്തെത്തി അന്വേഷണമാരംഭിച്ചു.
പ്രതികരിക്കാൻ ഇവിടെ എഴുതുക: