തിരുവനന്തപുരം: അരുവിക്കര എം എല്‍ എ ജി.സ്റ്റീഫന്‍ എംഎല്‍എയുടെ കാറിന് വഴി കൊടുത്തില്ലെന്ന് ആരോപിച്ച് ഗര്‍ഭിണി ഉള്‍പ്പെടെ സഞ്ചരിച്ച കാര്‍ അടിച്ച് തകര്‍ത്ത കേസില്‍ നാല് പേര്‍ കീഴടങ്ങി.ഇവരെ അറസ്റ്റ് രേഖപ്പെടുത്തിയ ശേഷം സ്റ്റേഷന്‍ ജാമ്യത്തില്‍ വിട്ടയച്ചു.
തിങ്കളാഴ്ച രാത്രി എട്ടിന് കാട്ടാക്കട കൃപാ ഓഡിറ്റേറിയത്തിന് മുന്നിലാണ് സംഭവം ഉണ്ടായത്. മനു, സുമിത്, ആദര്‍ശ്, അനൂപ് എന്നിവരാണ് കാട്ടാക്കട സ്റ്റേഷനില്‍ കീഴടങ്ങിയത്.
വിവാഹ ചടങ്ങില്‍ പങ്കെടുക്കാനെത്തിയ ബിനീഷ്- നീതു ദമ്പതികളുടെ കാറാണ് ഡി വൈ എഫ് ഐ പ്രവര്‍ത്തകര്‍ തകര്‍ത്തത്. മാല പൊട്ടിക്കുകയും ചെയ്‌തെന്ന് കാട്ടാക്കട പൊലീസ് സ്റ്റേഷനില്‍ നല്‍കിയ പരാതിയില്‍ പറയുന്നു.
സംഭവം നടക്കുമ്പോള്‍ താന്‍ ഓഡിറ്റോറിയത്തിലായിരുന്നുവെന്നും മറ്റൊരു കാറുകാരനുമായാണ് തര്‍ക്കം ഉണ്ടായതെന്നുമാണ് ജി. സ്റ്റീഫന്‍ എംഎല്‍എയുടെ വാദം.
പ്രതികരിക്കാൻ ഇവിടെ എഴുതുക: