തിരുവനന്തപുരം: ശക്തമായ മഴയുടെ പശ്ചാത്തലത്തില് എട്ട്ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ബുധനാഴ്ച അവധി പ്രഖ്യാപിച്ചു. കണ്ണൂര്,കോഴിക്കോട്, വയനാട്, പാലക്കാട്, തൃശൂര്, ഇടുക്കി, ആലപ്പുഴ,കോട്ടയം ജില്ലകളിലാണ് നാളെ അവധി. സ്കൂളുകള് ട്യൂഷന് സെന്ററുകള്, അംഗണവാടികള്, പ്രൊഫഷണല് കോളേജുകള് ഉള്പ്പെടെ വിദ്യാഭ്യാസ സ്ഥാപനങ്ങള്ക്കാണ് അവധി.
ശക്തമായ മഴയും വെള്ളക്കെട്ടും മൂലമാണ് ആലപ്പുഴയില് അവധി.മുന് നിശ്ചയിച്ച പരീക്ഷകള്ക്ക് മാറ്റമില്ലെന്ന് ജില്ലാ കളക്ടര്മാര് അറിയിച്ചു.കണ്ണൂരില് കോളേജുകള്ക്ക് അവധിയില്ല.പത്തനംതിട്ടയില് ദുരിതാശ്വാസ ക്യാമ്പ് പ്രവര്ത്തിക്കുന്ന സ്കൂളുകള്ക്കും ബുധനാഴ്ച അവധി.
വയനാട്ടില് എം.ആര്.എസ് സ്കൂളുകള്ക്ക് അവധി ബാധകമല്ല. ഇടുക്കിയില് പൂര്ണമായും റസിഡന്ഷ്യല് രീതിയില് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് അവധി ബാധകമല്ല.
