തിരുവനന്തപുരം: കേരളത്തിന് താമര ചിഹ്നത്തോടുള്ള അലര്‍ജി മാറിയെന്ന് കെ പി സി സി മുന്‍ അധ്യക്ഷനും മുന്‍ മന്ത്രിയുമായ കെ മുരളീധരന്‍. തൃശൂരില്‍ ഒരു മതവിഭാഗം ഒഴികെ മറ്റുളളവരെല്ലാം ബിജെപിക്ക് വോട്ട് ചെയ്തു.
സിനിമ നടനായത് കൊണ്ടാണ് സുരേഷ് ഗോപി ജയിച്ചതെന്ന് സമാധാനത്തിന് വേണ്ടി പറയുന്നതാണ്. തിരുവനന്തപുരത്ത് നാലു മാസം മുന്നേ രാജീവ് ചന്ദ്രശേഖര്‍ വന്നിരുന്നേല്‍ സ്ഥിതി മാറിയേനെയെന്നും മുരളീധരന്‍ പറഞ്ഞു.
പാര്‍ലമെന്റ് തിരഞ്ഞെടുപ്പില്‍ വിജയിച്ചിട്ടും കോണ്‍ഗ്രസ് നേതൃത്വത്തിന് പൂര്‍ണ ആത്മവിശ്വാസമില്ല.അടുത്ത തെരഞ്ഞെടുപ്പില്‍ ജയിക്കാന്‍ ഈ കളി മതിയാവില്ലെന്ന് കോണ്‍ഗ്രസ് നേതൃത്വത്തിന് അറിയാം. അതിനാലാണ് വയനാട്ടില്‍ പാര്‍ട്ടി യോഗം ചേര്‍ന്നത്. ഈ ക്യാമ്പില്‍ ഉണ്ടാവില്ലെന്ന് താന്‍ നേരത്തെ അറിയിച്ചിരുന്നു. എന്നാല്‍ എടുത്ത തീരുമാനം നടപ്പാക്കാന്‍ പാര്‍ട്ടിയുടെ കൂടെ ഉണ്ടാവും.പാര്‍ട്ടിയെ ശക്തിപ്പെടുത്താനാണ് ക്യാമ്പ്.
തനിക്കിപ്പോള്‍ ശക്തിയില്ലാത്ത സമയമാണ്. എങ്ങനെയാണ് ശക്തിപ്പെടുത്തേണ്ടതെന്ന് അറിയിച്ചാല്‍ അങ്ങനെ ചെയ്യാമെന്നും കെ മുരളീധരന്‍ പറഞ്ഞു. തദ്ദേശ തെരഞ്ഞെടുപ്പിന് പാര്‍ട്ടിയെ ശക്തിപ്പെടുത്തുകയാണ് താനെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: