മുംബൈ: കേന്ദ്രമന്ത്രിയായ ശേഷം മുംബൈയിലെത്തിയ സുരേഷ് ഗോപിക്ക് ഉജ്ജ്വല സ്വീകരണം. മുംബൈ വിമാനത്താവളത്തില്‍ അദ്ദേഹത്തിന് ബിജെപി മഹാരാഷ്ട്ര കേരള സെല്‍ സംസ്ഥാന അധ്യക്ഷന്‍ കെ.ബി. ഉത്തംകുമാറിന്റെ നേതൃത്വത്തില്‍ വരവേല്‍പ് നല്കി. മലയാളി സംഘടനാ ഭാരവാഹികളായ കെ.ജി.കെ. കുറുപ്പ്, ഹരികുമാര്‍ മേനോന്‍, ബിജെപി ഭാരവാഹികളായ എന്‍. സുരേശന്‍, രമേശ് കലംമ്പൊലി, ശിവസേന ഭാരവാഹി ജയന്ത് നായര്‍ തുടങ്ങിയവരും നിരവധി പ്രവര്‍ത്തകരും സ്വീകരണത്തില്‍ പങ്കെടുത്തു.
അന്ധേരിയിലെ സ്‌നേഹസദനത്തില്‍ ഒഎന്‍ജിസി സംഘടിപ്പിച്ച സ്വച്ഛത പഖ്വാഡ പരിപാടിയില്‍ അദ്ദേഹം പങ്കെടുത്തു. വിവിധ മലയാളി സംഘടന നേതാക്കളുമായി കൂടിക്കാഴ്ച നടത്തി. സുരേഷ് ഗോപിക്ക് മുംബൈയില്‍ വന്‍ പൗരസ്വീകരണം നല്കുമെന്ന് ഉത്തംകുമാര്‍ പറഞ്ഞു. കേന്ദ്രീയ നായര്‍ സംഘടന ചെയര്‍മാന്‍ ഹരികുമാര്‍ മേനോന്‍, എസ്എന്‍ഡിപി യോഗം മുംബൈ താനെ ജനറല്‍ സെക്രട്ടറി ബിജുകുമാര്‍, ബിജെപി ഭാരവാഹികളായ ദാമോദരന്‍ പിള്ള, രമേശ് കലംമ്പോലി, സതീഷ് കുമാര്‍, സിമി നായര്‍ ബോറിവലി, സജി പാപ്പച്ചന്‍ തുടങ്ങിയവരും സംസാരിച്ചു. മുംബൈയിലുള്ള തമിഴ്, കന്നട, തെലുങ്ക് വിഭാഗക്കാരെയും തദ്ദേശീയരായവരെയും കൂടി പങ്കെടുപ്പിച്ച് ഓണസദ്യയും ഒരുക്കണമെന്ന് സുരേഷ് ഗോപി നിര്‍ദേശിച്ചു.
പ്രതികരിക്കാൻ ഇവിടെ എഴുതുക: