തിരുവനന്തപുരം :സംസ്ഥാനത്ത് വീണ്ടും കാലവര്ഷം സജീവമാകുന്നു പത്തനംതിട്ട, കോട്ടയം, കണ്ണൂര് ജില്ലകളില് ഇന്ന് ഓറഞ്ച് ജാഗ്രത.പാലക്കാടും വയനാടും മഞ്ഞ ജാഗ്രതയാണ്.
അടുത്ത അഞ്ചു ദിവസം ശക്തമായ മഴയ്ക്ക് സാധ്യതയെന്ന് കേന്ദ്രകാലാവസ്ഥാ നിരീക്ഷണ കേന്ദ്രം അറിയിച്ചു. വടക്കന് കേരളത്തില് മഴ കനക്കും.
കോഴിക്കോട്, കണ്ണൂര്, കാസര്കോട് ജില്ലകളില് നാളെ ഓറഞ്ച് ജാഗ്രത പ്രഖ്യാപിച്ചിട്ടുണ്ട്. കേരള തീരത്തും, തമിഴ്നാട് തീരത്തും നാളെ രാത്രി 11.30 വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യത. ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിക്കണം.
