ആലപ്പുഴ: ക്രൂരമായ ആക്രമണമാണ് ഉണ്ടായതെന്ന് പൂച്ചാക്കലില്‍ മര്‍ദനമേറ്റ പെണ്‍കുട്ടി.
സിപിഎം പ്രവര്‍ത്തകന്‍ ഷൈജു വസ്ത്രം വലിച്ചഴിക്കാനും ശ്രമിച്ചെന്ന് പെണ്‍കുട്ടി പറഞ്ഞു. പട്ടിക ജാതി വിഭാഗത്തിലുളളയാളാണ് പെണ്‍കുട്ടി.
തല മുടിയില്‍ കുത്തിപ്പിടിച്ച് റോഡിലൂടെ വലിച്ചിഴച്ചു. കുനിച്ച് നിര്‍ത്തി മര്‍ദ്ദിച്ചെന്നും പെണ്‍കുട്ടി വ്യക്തമാക്കി.അടിവയറ്റിലും ചവിട്ടി. മൂത്രതടസമുണ്ടായി.
സംഭവ സമയം വിളിച്ചിട്ടും പൊലീസെത്തി പ്രതിയെ അറസ്റ്റ് ചെയ്യാന്‍ കൂട്ടാക്കിയില്ലെന്ന് പെണ്‍കുട്ടി പറഞ്ഞു. തന്റെ മൊഴിയെടുക്കാന്‍ വൈകിയെന്നും ഇവര്‍ പറയുന്നു.
നിയമയഭയില്‍ പ്രതിപക്ഷം വിഷയം ഉയര്‍ത്തിയതിന് പിന്നാലെ കേസിലെ രണ്ട് പ്രതികളെ പൊലീസ് കസ്റ്റഡിയിലെടുത്തു. കാഞ്ഞിരമറ്റത്ത് കണ്ടല്‍ കാടിനുള്ളില്‍ ഒളിച്ചു കഴിയുന്നതിനിടെയാണ് ഇവരെ പിടികൂടിയത്. സംഭവം നടന്ന സ്ഥലത്ത് എത്തിച്ച് തെളിവെടുപ്പ് നടത്തി.
പ്രതികരിക്കാൻ ഇവിടെ എഴുതുക: