കുവൈറ്റ് സിറ്റി : കുവൈറ്റിലെ ഫര്വാനിയയില് കെട്ടിട സമുച്ചയത്തിന് തീപിടിച്ച് ഈജിപ്ത് സ്വദേശിനി മരിച്ചു. നിരവധി പേര്ക്ക് പരിക്കേറ്റു.
അറബ് രാജ്യക്കാര് താമസിക്കുന്ന എട്ട് നില കെട്ടിടത്തിന്റെ നാലാം നിലയിലാണ് തീപിടുത്തമുണ്ടായത്. കൂടുതല് പേര് മരിച്ചെന്നും വാര്ത്തയുണ്ട്.അഗ്നിശമനസേന സ്ഥലത്തെത്തി തീ കെടുത്തി. പരിക്കേറ്റവരെ ഫര്വാനിയ ആശുപത്രിയിലേക്കു മാറ്റി.
കഴിഞ്ഞ മാസം 12ന് പുലര്ച്ചെ നാലിന് മംഗഫിലുണ്ടായ അഗ്നിബാധയില് 24 മലയാളികള് ഉള്പ്പെടെ 46 ഇന്ത്യക്കാര് മരിച്ചിരുന്നു. ഇതേതുടര്ന്ന് കുവൈറ്റിലെ പാര്പ്പിട സമുച്ചയങ്ങളില് പരിശോധന കര്ശനമാക്കിയിരുന്നു. ഇതിനിടെയാണ് വീണ്ടും തീപിടുത്തം.
