തിരുവനന്തപുരം: വിഴിഞ്ഞം തുറമുഖത്ത് ഈ മാസം 11ന് കപ്പലെത്തുമെന്ന് തുഖമുഖ വകുപ്പ് മന്ത്രി വി എന് വാസവന്. ട്രയല് റണ് 12ന് രാവിലെ നടത്തും. ഈ വര്ഷം തന്നെ കമ്മീഷനിംഗ് നടത്തുമെന്നും മന്ത്രി അറിയിച്ചു.
ഏകദേശം 1500 കണ്ടെയ്നര് ഉള്ള കപ്പലാണ് വരുന്നത്. തുറമുഖത്തിന് ആവശ്യമായ പശ്ചാത്തല സൗകര്യങ്ങള് പൂര്ണ സജ്ജമായി. റെയില് കണക്റ്റിവിറ്റിയും റിംഗ് റോഡും സജ്ജമാക്കുമെന്നും മന്ത്രി അറിയിച്ചു.
മുഖ്യമന്ത്രി പിണറായി വിജയനാണ് ഉദ്ഘാടകന്. കേന്ദ്ര ഷിപ്പിംഗ് മന്ത്രി ചടങ്ങിന് എത്തും. കമ്മീഷനിംഗ് ഓണത്തിന് നടത്താനായേക്കുമെന്നാണ് കരുതുന്നത്. അന്തിമ തീരുമാനം പിന്നീട് അറിയിക്കുമെന്നും വി എന് വാസവന് പറഞ്ഞു. കമ്മീഷനിങ്ങിന് ശേഷം മാത്രം പിന്നീട് കപ്പലുകള് എത്തൂ. ഒറ്റ കപ്പല് മാത്രമാണ് ട്രയല് റണ്ണിന് എത്തുക.
