തിരുവനന്തപുരം:
കേരള സര്വകലാശാല സെനറ്റിലേക്കു ഗവര്ണര് പുതിയ 5 അംഗങ്ങളെ നാമനിര്ദേശം ചെയ്തു. 4 വിദ്യാര്ഥി പ്രതിനിധികളെയും ഒരു ഹെഡ്മാസ്റ്റര് പ്രതിനിധിയെയുമാണു നിര്ദേശിച്ചത്. കെ.എസ്. ദേവി അപര്ണ (ഹുമാനിസ്റ്റ്ിക്സ്- യൂണിവേഴ്സിറ്റി ചരിത്രവിഭാഗം), ആര്.കൃഷ്ണപ്രിയ( സയിന്സ്-കാര്യവട്ടം കാമ്പസ് ), ആര്.രാമാനന്ദ് (സ്പോര്ട്സ്- പന്തളം എന്എസ്എസ്), ജി.ആര്. നന്ദന( ഫൈന് ആര്ട്സ്- മാര് ഇവാനിയോസ് തിരുവനന്തപുരം) എന്നിവരാണു വിദ്യാര്ഥി പ്രതിനിധികള്. മികവിന്റെ അടിസ്ഥാനത്തിലാണ് ഇവരെ നാമനിര്ദേശം ചെയ്തത്.
മുന്പു ഗവര്ണര് നടത്തിയ വിദ്യാര്ത്ഥി പ്രതിനിധികളുടെ നാമനിര്ദേശം ഹൈക്കോടതി റദ്ദാക്കിയിരുന്നു. യോഗ്യതയുടെ അടിസ്ഥാനത്തില് പുതിയ നാമനിര്ദേശം നല്കാനും കോടതി ആവശ്യപ്പെട്ടിരുന്നു.
തോന്നയ്ക്കല് സ്കൂളിലെ പ്രധാന അധ്യാപകന് എസ്.സുജിത്താണ് അധ്യാപക പ്രതിനിധിയായി സെനറ്റിലെത്തുന്നത്. നേരത്തെ നിര്ദ്ദേശിച്ചിരുന്ന അധ്യാപകന് വിരമിച്ച സാഹചര്യത്തിലാണ് പുതിയ ആളെ നിര്ദ്ദേശിച്ചത്
