മലയാളികള്‍ക്ക് ഏറെ പ്രിയങ്കരിയാണ് ശാലിനി. നിലവില്‍ സിനിമയില്‍ സജീവമല്ലെങ്കിലും സോഷ്യല്‍ മീഡിയയില്‍ ശാലിനി പങ്കുവയ്‌ക്കുന്ന ഫോട്ടോകള്‍ വൈറലാവാറുണ്ട്. കഴിഞ്ഞ ദിവസം ശാലിനി പങ്കുവെച്ച ഫോട്ടോയാണ് ആരാധകരെ ആശങ്കയിലാഴ്‌ത്തിയിരിക്കുന്നത്.
ആശുപത്രി കിടക്കയിലുള്ള ശാലിനിയെയും കൈകോര്‍ത്തുപിടിച്ച് അജിതിനെയുമാണ് ഫോട്ടോയില്‍ കാണുന്നത്.ഇതോടെ എന്തു പറ്റി ശാലിനിയ്‌ക്ക് എന്നാണ് ആരാധകര്‍ തിരക്കുന്നത്. ശാലിനി മൈനര്‍ ശസ്ത്രക്രിയയ്‌ക്കു വിധേയയായി എന്നാണ് റിപ്പോര്‍ട്ട്. ചെന്നൈ ഹോസ്പറ്റലില്‍ നടന്ന ശസ്ത്രക്രിയ വിജയകരമായിരുന്നുവെന്ന് ശാലിനിയോട് അടുത്തവൃത്തങ്ങള്‍ മാധ്യമങ്ങളോട് പ്രതികരിച്ചു.
ശാലിനി തന്നെയാണ് ആശുപത്രിയില്‍ നിന്നുള്ള ചിത്രം പങ്കുവച്ച് ഇക്കാര്യം പ്രേക്ഷകരുമായി പങ്കുവച്ചത്. ‘എക്കാലവും സ്‌നേഹം മാത്രം’ എന്ന അടിക്കുറിപ്പോടെയാണ് അജിത്തിനൊപ്പമുള്ള ചിത്രം ശാലിനി പങ്കുവച്ചത്.
ഓപ്പറേഷന് സമയത്ത് അജിത്ത് ഒപ്പമുണ്ടായിരുന്നില്ല. അസര്‍ബൈജാനില്‍ ഷൂട്ടിലായിരുന്നു. എന്നാല്‍ പോകുന്നതിന് മുമ്പ് ഭാര്യയുടെ ഓപ്പറേഷന് വേണ്ട എല്ലാ സജ്ജീകരണങ്ങളും ഉറപ്പാക്കിയിരുന്നു. എന്നാല്‍ ഷൂട്ടിങ് തിരക്ക് മാറ്റിവച്ച് ആശുപത്രിയില്‍ കഴിയുന്ന ശാലിനിയെ കാണാന്‍ അജിത്ത് വരുകയായിരുന്നു.അടുത്ത ദിവസം തന്നെ ചിത്രീകരണത്തിനായി അജിത് വീണ്ടും അസര്‍ബൈജാനിലേക്കു തിരിക്കും.
പ്രതികരിക്കാൻ ഇവിടെ എഴുതുക: