ഫിറോസ്പൂർ: അബോഹർ സെക്ടറിലെ അതിർത്തി ഔട്ട്പോസ്റ്റായ സാദ്ഖിക്ക് സമീപം ബിഎസ്എഫ് സൈനികർ പാകിസ്ഥാൻ നുഴഞ്ഞുകയറ്റക്കാരനെ വെടിവെച്ചുകൊന്നു. ജൂലൈ 1-2 രാത്രിയിൽ സംശയാസ്പദമായ ചലനം നിരീക്ഷിച്ചപ്പോൾ, ഡ്യൂട്ടിയിലുണ്ടായിരുന്ന ബിഎസ്എഫ് ഗാർഡ് നുഴഞ്ഞുകയറ്റക്കാരന് മുന്നറിയിപ്പ് നൽകി.
എന്നാൽ ഇത് വക വെയ്ക്കാതെ നുഴഞ്ഞുകയറ്റക്കാരൻ അതിർത്തി വേലിയിലേക്ക് നീങ്ങുന്നത് തുടർന്നു. അതിനുശേഷം സൈന്യം മൂന്ന് റൗണ്ട് വെടിയുതിർത്തു. പിന്നീട് നടത്തിയ തിരച്ചിലിനിടെ ബിഎസ്എഫ് സേനാംഗങ്ങൾ നടത്തിയ തിരച്ചിലിൽ മരിച്ച നുഴഞ്ഞുകയറ്റക്കാരന്റെ മൃതദേഹം കണ്ടെത്തി.
ഏകദേശം 25 വയസ്സ് പ്രായമുള്ള, മരിച്ച യുവാവിന്റെ ഐഡൻ്റിറ്റി ഉടൻ കണ്ടെത്താനായിട്ടില്ല. ഇയാളുടെ പോക്കറ്റിൽ നിന്ന് ബിഎസ്എഫ് സൈന്യം ഒരു പൗച്ച് കണ്ടെടുത്തു, അതിൽ കുറച്ച് സിഗരറ്റുകളും ലൈറ്ററും ഇയർഫോണും കണ്ടെത്തി.
പോലീസ് കസ്റ്റഡിയിലെടുത്ത മൃതദേഹം പോസ്റ്റ്മോർട്ടത്തിനായി അയക്കുമെന്ന് ഫാസിൽക്ക ഡെപ്യൂട്ടി പോലീസ് സൂപ്രണ്ട് സുബേഗ് സിംഗ് പറഞ്ഞു.
