ലഖ്നൗ: ഉത്തര്പ്രദേശിലെ ഹത്റാസില് ഒരു ആത്മീയ നേതാവിന്റെ നേതൃത്വത്തില് നടന്ന സത്സംഗത്തിനിടെ തിക്കിലും തിരക്കിലും 90 പേര് മരിച്ചു. പരിക്കേറ്റവരെ ആശുപത്രികളില് പ്രവേശിപ്പിച്ചിരിക്കുകയാണ്.ഒരു ലക്ഷത്തോളം പേര് പങ്കെടുത്ത പരിപാടിയിലാണ് സംഭവമെന്നാണ് റിപ്പോര്ട്ട്.
ഉത്തര്പ്രദേശില് കനത്ത ചൂടാണ് പലയിടത്തും അനുഭവപ്പെടുന്നത്. ഇതിനിടെയാണ് സത്സംഗം സംഘടിപ്പിച്ചത്. വലിയ പന്തലുകള് കെട്ടിയായിരുന്നു പരിപാടി നടത്തിയത്.
കടുത്ത ചൂടില് കുഴഞ്ഞുവീണാണ് പലരും മരിച്ചത്. ചൂടില് സഹികെട്ട് പന്തലില് നിന്ന് പുറത്തുകടക്കാന് ആളുകള് ശ്രമിച്ചതോടെ തിക്കും തിരക്കുമുണ്ടായി. മരണ സംഖ്യ ഉയരുമെന്നാണ് റിപ്പോര്ട്ട്. മരിച്ചവരില് 23 സ്ത്രീകളും ഉള്പ്പെടുന്നതായി വാര്ത്തയുണ്ട്.
ദുരന്തത്തില് പ്രധാനമന്ത്രി നരേന്ദ്ര മോദി അനുശോചിച്ചു. ദുരന്ത വാര്ത്ത പാര്ലമെന്റില് തന്റെ പ്രസംഗത്തിനിടെ പ്രധാനമന്ത്രി നരേന്ദ്രമോദി സൂചിപ്പിച്ചു. കേന്ദ്രസര്ക്കാര് സംസ്ഥാന സര്ക്കാരുമായി നിരന്തരം ബന്ധപ്പെടുന്നുണ്ടെന്ന് പ്രധാനമന്ത്രി പറഞ്ഞു.
സംഭവം അന്വേഷിക്കാന് സമിതിക്ക് രീപം നല്കിയതായു മുഖ്യമന്ത്രി യോഗി ആദിത്യ നാഥ് അറിയിച്ചു.
