പാലക്കാട് :പട്ടാപ്പകല്‍ റോഡിന് സമീപമുളള കാര്‍ പെയിന്റിംഗ് വര്‍ക് ഷോപ്പിന് മുന്നില്‍ നിന്നും വളര്‍ത്തുനായക്കുട്ടിയെ മോഷ്ടിച്ചു. മണ്ണാര്‍ക്കാട് സ്വദേശി വര്‍ക്ഷോപ്പ് ഉടമ ബഷീറാണ് പരാതി നല്‍കിയത്.
വ്യാഴാഴ്ച വൈകിട്ട് അഞ്ച് മണിയോടെയാണ് നായക്കുട്ടി മോഷ്ടിക്കപ്പെട്ടത്. ബഷീറിന്റെ വര്‍ക് ഷോപ്പിന് മുന്നിലാണ് നായക്കുട്ടിയെ കെട്ടിയിട്ടിരുന്നത്. വര്‍ക് ഷോപ്പില്‍ നല്ല തിരക്കുണ്ടായിരുന്നതിനാല്‍ നായക്കുട്ടി നഷ്ടപ്പെട്ട വിവരം അറിഞ്ഞില്ല.
പിന്നീട് സി സിടി വി പരിശോധിച്ചപ്പോഴാണ് നായക്കുട്ടിയെ മോഷ്ടിച്ചെന്ന് വ്യക്തമായത്. ഓട്ടോറിക്ഷയില്‍ എത്തിയ ആള്‍ വര്‍ക് ഷോപ്പിന് പുറത്തുനില്‍ക്കുകയായിരുന്ന നായക്കുട്ടിയെ പിന്‍സീറ്റിലേക്ക് എടുത്ത് വെച്ച് കൊണ്ടു പോകുന്നതാണ് ദൃശ്യങ്ങളിലുളളത്. വാഹനത്തിന്റെ നമ്പര്‍പ്ലേറ്റ് വ്യക്തമല്ല. ഓട്ടോറിക്ഷ കേന്ദ്രീകരിച്ച് അന്വേഷണം തുടങ്ങി.
പ്രതികരിക്കാൻ ഇവിടെ എഴുതുക: