ന്യൂദല്‍ഹി: പാരിസ് ഒളിംപിക്‌സ് ഗോള്‍ഫില്‍ നാല് ഭാരത താരങ്ങള്‍ പങ്കെടുക്കും. രണ്ട് വീതം പുരുഷ, വനിതാ താരങ്ങളാണ് പങ്കെടുക്കുക.
വനിതാ റാങ്കിങ്ങില്‍ 60-ാം സ്ഥാനത്തുള്ള അദിതി അശോക് 167-ാം സ്ഥാനത്തുള്ള ദിക്ഷ ദഗറും പാരിസിലുണ്ടാകും. ഞായറാഴ്ച നടക്കുന്ന കെപിഎംജി വനിതാ പിജിഎ ചാമ്പ്യന്‍ഷിപ്പോടുകൂടി ഗോള്‍ഫിലെ അന്തിമ പട്ടിക പൂര്‍ത്തിയാകും.
ഒരു രാജ്യത്ത് നിന്ന് നാല് ഗോള്‍ഫ് താരങ്ങള്‍ക്ക് വരെ പങ്കെടുക്കാനാകും. അദിതിക്കും ദിക്ഷയ്‌ക്കും പുറമെ പുരുഷ താരങ്ങളെ പ്രതിനിധാനം ചെയ്ത് ശുഭാങ്കര്‍ ശര്‍മയും ഗജന്‍ജീത്ത് ബുള്ളാറും ഒളിംപിക്‌സില്‍ പങ്കെടുക്കും.
പാരിസ് ഒളിംപിക്‌സില്‍ ആഗസ്ത് ഒന്ന് മുതല്‍ നാല് വരെയാണ് പുരുഷ പോരാട്ടങ്ങള്‍ നടക്കുക. ഏഴ് മുതല്‍ പത്ത് വരെയാണ് വനിതാ മത്സരങ്ങള്‍. അദിതി ഇത് മൂന്നാം തവണയാണ് ഒളിംപിക്‌സില്‍ പങ്കെടുക്കുന്നത്. ദിക്ഷ രണ്ടാം തവണയും. അതേസമയം പുരുഷ താരങ്ങളായ ശുഭാങ്കറും ഗജന്‍ജീത്ത് ബുള്ളാറും ആദ്യമായാണ് ഒളിംപിക്‌സിന് യോഗ്യത നേടുന്നത്.
പ്രതികരിക്കാൻ ഇവിടെ എഴുതുക: