തൃപ്പൂണിത്തുറ: എ ആര് ക്യാമ്പിലെ പൊലീസുകാരന് ക്ഷേത്രക്കുളത്തില് മുങ്ങി മരിച്ചു. തൃപ്പൂണിത്തുറ എ ആര് ക്യാമ്പിലെ പൊലീസുകാരന് അങ്കമാലി സ്വദേശി ശ്രീജിത്താണ് മരിച്ചത്.
ചൊവ്വാഴ്ച വൈകിട്ട് എ ആര് ക്യാമ്പിനടുത്തുള്ള പെരുന്നിനാക്കുളം ക്ഷേത്ര കുളത്തില് സഹപ്രവര്ത്തകര്ക്കൊപ്പം കുളിക്കാന് എത്തിയപ്പോഴായിരുന്നു അപകടം.
നീന്തുന്നതിനിടെ ശ്രീജിത്തും സഹപ്രവര്ത്തകനും മുങ്ങുകയായിരുന്നു. കൂടെയുണ്ടായിരുന്നയാള് നീന്തി കയറിയെങ്കിലും ശ്രീജിത്ത് മുങ്ങിപ്പോയി. അഗ്നിശമന നടത്തിയ തിരച്ചിലാണ് ശ്രീജിത്തിന്റെ മൃതദേഹം കണ്ടെത്തിയത്.
പരിശീലനം പൂര്ത്തിയാക്കി ആഴ്ചകള്ക്ക് മുമ്പാണ് ശ്രീജിത്ത് പൊലീസ് സേനയില് ചേര്ന്നത്. തൃപ്പൂണിത്തുറ താലൂക്ക് ആശുപത്രിയിലേക്ക് മാറ്റിയ മൃതദേഹം നാളെ പോസ്റ്റ് മോര്ട്ടത്തിന് ശേഷം ബന്ധുക്കള്ക്ക് വിട്ടുനല്കും.
