ഇസ്ലാമബാദ് : വീണ്ടും അജ്ഞാതന്റെ വെടിയേറ്റ് പാകിസ്ഥാനിലെ പട്ടാള നേതാവിന് ദാരുണാന്ത്യം. പ്രധാന ഐഎസ് ഐ നേതാവ് അമീര്‍ ഹംസയെയാണ് അജ്ഞാതന്‍ വെടിവെച്ച് കൊന്നത്.
2018ല്‍ ജമ്മു കശ്മീരിലെ സൈനിക ക്യാമ്പിന് നേരെയുള്ള ആക്രമണത്തിന് പിന്നില്‍ അമീര്‍ ഹംസയായിരുന്നു. അന്ന് അദ്ദേഹം പാക് സൈന്യത്തില്‍ ബ്രിഗേഡിയര്‍ ആയിരുന്നു. അന്ന് ആറ് ഇന്ത്യന്‍ സൈനികര്‍ കൊല്ലപ്പെട്ടിരുന്നു. ഒരു ഡസന്‍ പേര്‍ക്ക് പരിക്കേറ്റിരുന്നു. ഈ അമീര്‍ ഹംസയെയാണ് പാകിസ്ഥാനില്‍ വെച്ച് അജ്ഞാതന്‍ വെടിവെച്ച് കൊലപ്പെടുത്തിയത്. പഞ്ചാബിലെ ത്ഡലം ജില്ലയിലാണ് ആക്രമണം നടന്നത്. ഈ വെടിവെപ്പില്‍ അമീര്‍ ഹംസയുടെ ഭാര്യയ്‌ക്കും മകള്‍ക്കും പരിക്കേല്‍ക്കുകയും ചെയ്തിരുന്നു. അതേ സമയം അമീര്‍ ഹംസയുടെ കാറില്‍ നിന്നും ഒന്നും മോഷണം പോയിട്ടില്ലെന്ന് പറയുന്നു.
ഒരിടവേളയ്‌ക്ക് ശേഷം അജ്ഞാതന്‍ പാകിസ്ഥാന്റെ മണ്ണില്‍ വീണ്ടും സജീവമായിരിക്കുകയാണ്. ഇതിന് മുന്‍പ് ഇന്ത്യയ്‌ക്ക് എതിരായി പ്രവര്‍ത്തിച്ച ഏതാനും തീവ്രവാദികളെ പാകിസ്ഥാനില്‍ കടന്നുചെന്ന് അജ്ഞാതന്‍ വെടിവെച്ച് കൊലപ്പെടുത്തിയിരുന്നു.
പ്രതികരിക്കാൻ ഇവിടെ എഴുതുക: