ലഹരിക്കെതിരെ റൂറൽ ജില്ലാ പോലീസിന്റെ ഡിഐജി കപ്പിന് തുടക്കമായി

പെരുമ്പാവൂർ : ലഹരിക്കെതിരെ റൂറൽ ജില്ലാ പോലീസിന്റെ ഡി ഐ ജി കപ്പ് ക്രിക്കറ്റിന്റെ രണ്ടാം ഘട്ട ക്രിക്കറ്റ് കാർണിവെലിന് ആലുവ തുരുത്ത് ഗോട്ട് ടർഫ് മൈതാനത്ത് തുടക്കമായി. ആദ്യ മത്സരത്തിൽ ആദിശങ്കര എഞ്ചിനീയറിംഗ് കോളേജ് ആലുവ വെസ്റ്റിനെ പരാജയപ്പെടുത്തി.

രണ്ടാം മത്സരത്തിൽ കുന്നത്തുനാട് പോലീസ് സ്റ്റേഷൻ എറണാകുളം ഫോറസ്‌റ്റ് ടീമിനേയും, ഊന്നുകൽ പോലീസ് ടീം. രാജഗിരി ഹോസ്പിറ്റൽ ടീമിനേയും ഡി.പി. ഒ ടീം , ഡോക്ടേഴ്സ് ടീമിനേയും കീഴടക്കി. 25 ന് എക്‌സൈസ്, ഡി.എച്ച്.ക്യു കളമശേരി, വരാപ്പുഴ പി.എസ്, ഇൻകം ടാക്സ് , കോസ്റ്റൽ വാരിയേഴ്സ്, പുത്തൻകുരിശ് പി.എസ്. ആലുവ മീഡിയാ ക്ലബ്ബ്, റവന്യൂ ക്ലബ്ബ് എറണാകുളം ടീമുകൾ മത്സരിക്കും.

26 ന് സെമി , ഫൈനൽ മത്സരങ്ങൾ നടക്കും.ലഹരി വിരുദ്ധ പ്രതിജ്ഞയോടെയാണ് മത്സരങ്ങൾ ആരംഭിച്ചത്.