ആലപ്പുഴ : നിരവധി ക്രിമിനല്‍ കേസുകളില്‍ പ്രതിയായ സിപിഎം ലോക്കല്‍ കമ്മിറ്റി അംഗത്തിനെതിരെ കാപ്പ ചുമത്തി. കായംകുളം പുതുപ്പള്ളി ലോക്കല്‍ കമ്മിറ്റി അംഗം സിബി ശിവരാജനെതിരെയാണ് കാപ്പ ചുമത്തിയത്.
മണല്‍ കടത്ത്, വടിവാള്‍ ആക്രമണം തുടങ്ങിയ കേസുകളില്‍ നേരത്തെ തന്നെ പ്രതിയാണ് ഇയാള്‍. അഞ്ച് മാസം മുന്‍പ് സിബിയുടെ നേതൃത്വത്തില്‍ നടന്ന വടിവാള്‍ അക്രമത്തില്‍ പൊലീസ് കേസ് എടുത്തെങ്കിലും കാര്യമായ നടപടികള്‍ ഉണ്ടായിരുന്നില്ല.
പാര്‍ട്ടി സംരക്ഷണം ഉണ്ടായിരുന്നതിനാല്‍ ഇയാള്‍ക്കെതിരെ കടുത്ത നടപടിക്ക് പൊലീസ് മുതിര്‍ന്നിരുന്നില്ല.
ഇയാളെ പാര്‍ട്ടി സംരക്ഷിക്കുന്നതില്‍ ഒരു വിഭാഗം എതിര്‍പ്പുയര്‍ത്തിയിരുന്നു. ഗത്യന്തരമില്ലാതെയാണ് ഇയാള്‍ക്കെതിരെ കാപ്പ ചുമത്തിയതെന്നാണ് വിവരം.
പ്രതികരിക്കാൻ ഇവിടെ എഴുതുക: