ഡുസ്സെല്ഡോര്ഫ്: യൂറോ കപ്പില് ഇന്നലെ നടന്ന മത്സരത്തില് ഉക്രൈന് വിജയം. സ്ലൊവാക്യയ്ക്കെതിരായ മത്സരത്തില് ഒന്നിനെതിരെ രണ്ട് ഗോളുകള് നേടിയാണ് ഉക്രൈന് വിജയിച്ചത്. ഗ്രൂപ്പ് ഈയില് ടീം നേടുന്ന ആദ്യ ജയമാണിത്.
ആദ്യപകുതിയില് ഒരുഗോള് പിന്നിട്ടുനിന്ന ഉക്രൈന് രണ്ടാം പകുതിയില് രണ്ട് ഗോളുകള് തിരിച്ചടിച്ചാണ് വിജയിച്ചത്. ഇവാന് സ്ക്രാന്സ് ആണ് സ്ലൊവാക്യയെ 17-ാം മിനിറ്റില് മുന്നിലെത്തിച്ചത്. മത്സരം രണ്ടാം പകുതിയിലെത്തിയപ്പോള് 54-ാം മിനിറ്റില് മൈക്കോല ഷപാറെങ്കോ ഉക്രൈനെ ഒപ്പമെത്തിച്ചു. മത്സരം 80 മിനിറ്റിലെത്തിയപ്പോള് ഉക്രൈന് വിജയഗോളും ആഘോഷിച്ചു. റോമാന് യാരെംചക്ക് ആണ് സ്കോര് ചെയ്തത്.
