മലപ്പുറം: മേല്മുറിയില് ഓട്ടോ റിക്ഷയും കെഎസ്ആര്ടിസി ബസും കൂട്ടിയിടിച്ചുണ്ടായ അപകടത്തില് ഒരു കുടുംബത്തിലെ മൂന്ന് പേര് മരിച്ചു. മകളെ പ്ലസ് വണ് കോഴ്സിന് ചേര്ക്കാന് പോകുന്നതിനിടെയാണ് ദുരന്തം.
പുല്പ്പറ്റ ഒളമതില് സ്വദേശിയായ അഷറഫ് (44), ഭാര്യ സാജിദ (37), മകള് ഫിദ എന്നിവരാണ് മരിച്ചത്. ഫിദയെ മലപ്പുറത്ത് ഗവ. ഗേള്സ് ഹയര് സെക്കന്ഡറി സ്കൂളില് പ്ലസ് വണ് കോഴ്സിന് ചേര്ക്കാന് പോകുക ആയിരിന്നു അഷ്റഫും സാജിതയും. മലപ്പുറത്തുനിന്ന് സര്വീസ് കേന്ദ്രത്തിലേക്ക് പോകുക ആയിരിന്ന സ്വിഫ്റ്റ് സൂപ്പര്ഫാസ്റ്റ് ബസിലേക്ക് എതിര് ദിശയില് വന്ന ഓട്ടോ റിക്ഷ നിയന്ത്രണം വിട്ട് ഇടിച്ചു കയറുകയായിരുന്നു. പരിക്കേറ്റവരെ മഞ്ചേരി മെഡിക്കല് കോളജിലെത്തിച്ചെങ്കിലും ജീവന് രക്ഷിക്കാന് ആയില്ല.
