തിരുവനന്തപുരം: ലോക് സഭാ തെരഞ്ഞെടുപ്പിലെ തോല്‍വിയില്‍ നിന്നും തലയൂരാന്‍ കേരളത്തിലെ സിപിഎം ഒരു മുസ്ലിം മുഖ്യമന്ത്രി എന്ന മുദ്രാവാക്യത്തിലേക്ക് പോകുമെന്ന് കെ. സുരേന്ദ്രന്‍. ഇനി ‘മലയാള നാടിന് ഒരു മുസ്ലിം മുഖ്യമന്ത്രി’ എന്ന മുദ്രാവാക്യത്തിലേക്ക് പോകാന്‍ പല കാരണങ്ങളുമുണ്ടെന്നും കെ. സുരേന്ദ്രന്‍ വാര്‍ത്താസമ്മേളനത്തില്‍ പറഞ്ഞു.
അങ്ങിനെ പോകാന്‍ പിണറായി വിജയന് രണ്ട് കാരണങ്ങളുണ്ട്. അതില്‍ ഒന്ന് അദ്ദേഹത്തിന്റെ വ്യക്തിപരമായ കാരണമാണ്. രണ്ട് ഈ ഒരു ഘട്ടത്തില്‍ സിപിഎമ്മിനെ ഈ തകര്‍ച്ചയില്‍ നിന്നും കരകയറ്റാന്‍ അതാണ് പോംവഴിയെന്നും അദ്ദേഹം കരുതുന്നു. – കെ. സുരേന്ദ്രന്‍ പറഞ്ഞു.
മുഖ്യമന്ത്രി പദത്തിലേക്ക് മുസ്ലിം മുഖ്യമന്ത്രി എന്ന മുദ്രാവാക്യമുയര്‍ത്തി നഷ്ടപ്പെട്ട പിന്തുണ തിരിച്ചുപിടിക്കുക എന്നതായിരിക്കും സിപിഎം ലൈന്‍. സിപിഎമ്മിന്റെ നിലവിലെ രാജ്യസഭാ സ്ഥാനാര്‍ത്ഥി നിര്‍ണ്ണയത്തിന്റെയും നിലവിലുള്ള രാജ്യസഭാ അംഗങ്ങളുടെ കണക്കിന്റെയും അടിസ്ഥാനത്തിലാണ് ഞാന്‍ ഇത് പറഞ്ഞത്. വിഭവങ്ങള്‍ പങ്കുവെയ്‌ക്കുന്ന സിപിഎമ്മിന്റെ ലൈനിനെക്കുറിച്ചാണ് ഞാന്‍ പറഞ്ഞത്. – കെ.സുരേന്ദ്രന്‍ അഭിപ്രായപ്പെട്ടു.
പ്രതികരിക്കാൻ ഇവിടെ എഴുതുക: