തിരുവനന്തപുരം : കേന്ദ്ര വാര്‍ത്താവിതരണ പ്രക്ഷേപണ മന്ത്രാലയത്തിനു കീഴിലുള്ള പബ്ലിക്കേഷന്‍സ് ഡിവിഷന്റെ തിരുവനന്തപുരം റീജിയണല്‍ ഓഫീസ് ജൂണ്‍ 18 മുതല്‍ 21 വരെ പുസ്തകമേള സംഘടിപ്പിക്കും. ഗവണ്മെന്റ് പ്രസ്സിന് സമീപത്തുള്ള സെയില്‍സ് എംപോറിയത്തിലാണ് മേള നടക്കുക. ദേശീയ പ്രാധാന്യമുള്ളതും ഇന്ത്യയുടെ സമ്പന്നമായ ചരിത്ര, സാംസ്‌കാരിക പൈതൃകത്തെ അടയാളപ്പെടുത്തുന്നതുമായ അറുന്നൂറില്‍പ്പരം ഗ്രന്ഥങ്ങള്‍ പുസ്തകമേളയില്‍ വില്പനയ്‌ക്കായി ഉണ്ടായിരിക്കും.
ഗാന്ധിയന്‍ സാഹിത്യം, കലയും സംസ്‌ക്കാരവും, ശാസ്ത്രവും സാങ്കേതികവിദ്യയും, ഇന്ത്യയുടെ ശില്പികള്‍, ജൈവവൈവിധ്യം തുടങ്ങി വിവിധ മേഖലകളില്‍ നിന്നുള്ള പുസ്തകങ്ങള്‍ പബ്ലിക്കേഷന്‍സ് ഡിവിഷന്റെ പുസ്തകമേളയില്‍ 10 മുതല്‍ 90 ശതമാനം വരെ വിലക്കുറവില്‍ ലഭ്യമാകും. എല്ലാ ദിവസവും രാവിലെ 9.30 മുതല്‍ വൈകിട്ട് 6.00 വരെ പുസ്തകവില്പന ഉണ്ടായിരിക്കും. കൂടുതല്‍ വിവരങ്ങള്‍ക്ക് തിരുവനന്തപുരത്തെ പ്രസ് റോഡിലുള്ള പബ്ലിക്കേഷന്‍സ് ഡിവിഷന്‍ ഓഫീസുമായി ബന്ധപ്പെടാവുന്നതാണ്. ഫോണ്‍ : 0471 2330650/ 2323826.
കേന്ദ്ര വാര്‍ത്താവിതരണ പ്രക്ഷേപണ മന്ത്രാലയം പബ്ലിക്കേഷന്‍സ് ഡിവിഷന്‍ പുസ്തകമേള 18 മുതല്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: