ആലുവ: തോട്ടക്കാട്ടുകരയിലെ ‘പ്രേമം’ പാലത്തില് കമിതാക്കളുടെ സല്ലാപം അതിരു വിട്ടതോടെ ചോദ്യം ചെയ്ത സമീപവാസിക്ക് മര്ദ്ദനം. പള്ളിപാറേട്ടില് വീട്ടില് സാജന് (48) ആണ് മര്ദ്ദനമേറ്റ് ജില്ലാ ആശുപത്രിയില് ചികിത്സ തേടിയത്.
പരിസരവാസികള്ക്ക് സല്ലാപം അലോസരമായതോടെയാണ് സാജന് ചോദ്യം ചെയ്തത്. എന്നാല് രണ്ട് പെണ്കുട്ടികളടങ്ങുന്ന നാലംഗ സംഘം ഇയാളെ കയ്യേറ്റം ചെയ്യുകയായിരുന്നു.
കഴിഞ്ഞദിവസം തോട്ടക്കാട്ടുകര അക്വഡക്റ്റ് പാലത്തിലാണ് സംഭവം. ‘പ്രേമം’ സിനിമാ രംഗങ്ങള് ചിത്രീകരിച്ച അക്വഡക്റ്റ് പാലത്തില് സന്ദര്ശകര് പതിവാണ്. മര്ദ്ദനത്തില് പരിക്കേറ്റ സാജന് ആലുവ പൊലീസില് പരാതി നല്കി.
