തിരുവനന്തപുരം: രാഹുല്‍ ഗാന്ധിക്കെതിരെ താന്‍ ഒന്നും പറഞ്ഞിട്ടില്ലെന്ന് മുഖ്യമന്ത്രി പിണറായി വിജയന്‍. പദവിക്ക് നിരക്കാത്തത് ആദ്യം പറഞ്ഞത് രാഹുലാണ്. അതിന് മറുപടിയാണ് പറഞ്ഞതെന്നും പിണറായി വിജയന്‍ നിയമ സഭയില്‍ പറഞ്ഞു. തെരഞ്ഞെടുപ്പിന്റെ ഏതെങ്കിലും ഘട്ടത്തില്‍ രാഹുലിനെക്കുറിച്ച് നല്ലതു പറഞ്ഞിട്ടുണ്ടോ എന്ന തിരുവഞ്ചൂര്‍ രാധാകൃഷ്ണന്റെ വിമര്‍ശനത്തിന് മറുപടി പറയുകായയിരുന്നു മുഖ്യമന്ത്രി.
മറ്റാളുകളെയെല്ലാം അറസ്റ്റ് ചെയ്തു, എന്തുകൊണ്ട് കേരളത്തിന്റെ മുഖ്യമന്ത്രിയെ അറസ്റ്റ് ചെയ്യുന്നില്ല എന്ന് രാഹുല്‍ ചോദിച്ചത്. ഇത് കോണ്‍ഗ്രസിലെ ചിലരുടെ ഉപദേശത്തെ തുടര്‍ന്നാണെന്ന് മുഖ്യമന്ത്രി പറഞ്ഞു. കേരളത്തില്‍ വന്ന് രാഹുലിനെപ്പോലുള്ള നേതാവ് സംസാരിക്കേണ്ടത് അതാണോ. അതിനു സ്വാഭാവികമായി മറുപടി നല്കി, മുഖ്യമന്ത്രി പറഞ്ഞു.അതേസമയം ഇതര സംസ്ഥാനങ്ങളിലെ പല സീറ്റുകളിലും കോണ്‍ഗ്രസ് ജയിച്ചത് സിപിഎമ്മിന്റെ വോട്ട് കൂടി ഉള്ളത് കൊണ്ടാണെന്നും അത് മറക്കരുതെന്നും മുഖ്യമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക: