ന്യൂദൽഹി: കേന്ദ്രമന്ത്രി എസ്. ജയശങ്കറും മാലിദ്വീപ് പ്രസിഡൻ്റ് മുഹമ്മദ് മുയിസുവുമായി ദൽഹിയിൽ കൂടിക്കാഴ്ച നടത്തി. കൂടിക്കാഴ്ചയ്‌ക്ക് ശേഷം ജയശങ്കർ തന്റെ എക്‌സ് പോസ്റ്റിൽ ഇന്ത്യയും മാലിദ്വീപും തമ്മിലുള്ള ഭാവി സഹകരണത്തെക്കുറിച്ച് ശുഭാപ്തിവിശ്വാസം പ്രകടിപ്പിച്ചു.
ഇന്ന് മാലിദ്വീപ് പ്രസിഡൻ്റ് മുഹമ്മദ് മുയിസുവിനെ ന്യൂദൽഹിയിൽ സന്ദർശിക്കുന്നതിൽ സന്തോഷമുണ്ട്. ഇന്ത്യയും മാലിദ്വീപും ഒരുമിച്ച് പ്രവർത്തിക്കുമെന്ന് പ്രതീക്ഷിക്കുന്നു.
ഉഭയകക്ഷി ബന്ധം ശക്തിപ്പെടുത്തുന്നതിലും ഇരുരാജ്യങ്ങളും തമ്മിലുള്ള സഹകരണത്തിനുള്ള പുതിയ വഴികൾ ആരായുന്നതിലും ചർച്ച ഊന്നൽ നൽകി.
നേരത്തെ രാഷ്‌ട്രപതി ഭവനിൽ പ്രസിഡൻ്റ് ദ്രൗപതി മുർമു നൽകിയ ഔദ്യോഗിക വിരുന്നിനിടെ പ്രസിഡൻ്റ് മുയിസു ഞായറാഴ്ച പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തിയിരുന്നു. മാലിദ്വീപ് വിദേശകാര്യ മന്ത്രി മൂസ സമീർ, ധനമന്ത്രി മുഹമ്മദ് ഷഫീഖ് എന്നിവരും പ്രസിഡൻ്റ് മുയിസുവിനൊപ്പമുണ്ടായിരുന്നു.
മേഖലയിൽ സമാധാനം, പുരോഗതി, സമൃദ്ധി എന്നിവ പരിപോഷിപ്പിക്കുന്നതിനുള്ള ഇന്ത്യയുടെ പ്രതിബദ്ധത പ്രധാനമന്ത്രി മോദി ഈ പരിപാടിയിൽ എടുത്തുപറഞ്ഞു, പ്രത്യേകിച്ചും 2047-ഓടെ വികസിന് ഭാരത് എന്ന ലക്ഷ്യം കൈവരിക്കാൻ രാജ്യം ലക്ഷ്യമിടുന്നതിനാൽ.
ചടങ്ങിൽ പങ്കെടുത്തതിന് സന്ദർശകരായ നേതാക്കളോട് പ്രധാനമന്ത്രി നന്ദി രേഖപ്പെടുത്തി.
അതേ സമയം ക്ഷണത്തിന് മുയിസു നന്ദി അറിയിച്ചു. മോദി മൂന്നാം തവണയും ഇന്ത്യയുടെ പ്രധാനമന്ത്രിയായി മാറുന്ന ചരിത്രപരമായ ചടങ്ങിൽ പങ്കെടുക്കാനായത് അഭിമാനകരമാണെന്ന് അദ്ദേഹം പ്രസ്താവിച്ചു. ഇന്ത്യയുമായുള്ള അടുത്ത ബന്ധം കൂടുതൽ ശക്തിപ്പെടുത്തുന്നതിന് പ്രധാനമന്ത്രിയുമായി പ്രവർത്തിക്കാൻ താൻ ആഗ്രഹിക്കുന്നുവെന്നും അദ്ദേഹം പറഞ്ഞു.
ഈ സന്ദർശനത്തിലൂടെ വ്യക്തമാകുന്നത് പോലെ മാലദ്വീപ്-ഇന്ത്യ ബന്ധം പോസിറ്റീവ് ദിശയിലേക്കാണ് നീങ്ങുന്നതെന്നും മുയിസുവിന്റെ ഓഫീസ് ശനിയാഴ്ച വ്യക്തമാക്കിയിരുന്നു.
പ്രതികരിക്കാൻ ഇവിടെ എഴുതുക: